POP 5

Lajmet më të lexuara të 5 minutave të fundit

Kronikë

Përcillet në heshtje për në banesën e fundit Zenepe Luka, bashkëshorti për Report Tv: Përballuam tritolin, por jo COVID-in! Pengu i saj

Ismail Luka ka gjetur forcën dhe pasi ka përcjellë në botën tjetër, gruan e tij, Zenepen, që u nda nga jeta për shkak të COVID, ka thënë disa fjalë për të, si një gazetare e zonja që ishte, por edhe një bashkëshorte shumë e mirë. Jeta e ka përballur këtë familje me shumë peripecira, e për pasojë nuk e kishte pritur kurrë që vdekja do i vinte nga një virus i pabesë. 

VLORË- Ismail Luka ka gjetur forcën dhe pasi ka përcjellë në botën tjetër, gruan e tij, Zenepen, që u nda nga jeta për shkak të COVID, ka thënë disa fjalë për të, si një gazetare e zonja që ishte, por edhe një bashkëshorte shumë e mirë. Jeta e ka përballur këtë familje me shumë peripecira, e për pasojë nuk e kishte pritur kurrë që vdekja do i vinte nga një virus i pabesë. “E papritur”, e përshkruan vdekjen e Zenepes, Ismaili për mikrofonin e Report Tv.

“Ishte e papritur, filloi si një grip i zakonshëm dhe më pas u rëndua gjendja, bëri tamponin doli pozitiv, pastaj ikëm në Tiranë sepse i ra niveli i oksigjenit, dhe nuk u kthye më. Ajo ndenji një javë e sëmurë në shtëpi me mjekim, sipas protokollit. Jeta ka qenë shumë e vështirë, kemi përballuar edhe tritolin, qoftë edhe probleme të tjera, por kjo ishte e paimagjinueshme, nuk e prinim”, tha Luka, për gazetarin Armand Xhelili.

Zenepja iku me një peng që lidhej me profesionin e saj, gazetarinë, që nuk e ndali as pasi iu vu tritol për ta asgjësuar atë dhe familjen e saj në 1998.

“Pengu i Zenepes? Donte që të vazhdonte punën, kishte shumë punë e projekte, se një gazetare me eksperiencë kaq të gjatë i mbetën pa realizuar”, tregon ai.

Trishtim dhe dhimbjen, ia shton edhe më shumë fakti, që nuk mundi ta përcjellë Zenepen, ashtu si ajo e meritonte, mes njerëzve që e donin dhe e respektonin shumë.

“Na vjen shumë keq që s’ka njerëz sepse ne kemi 27 vjet që jetojmë këtu dhe të gjithë kanë pasur shumë respekt, por COVID-i na e bëri këtë. Unë e kam kaluar para 3 muajsh COVID, unë e kalova klasën, por ajo jo”, u shpreh Ismaili.

Zenepe Luka ndërroi jetë ditën e djeshme pas një beteje një javore me COVID. Zenepe Luka ishte një emër shumë i njohur, jo vetëm për qytetin e Vlorës, por në të gjithë hapësirën mediatike. Ajo ishte një gazetare që në vitin 1998 iu vu tritol në shtëpi, me qëllimin për ta asgjësuar familjen e saj, ku sipas saj sulmi ndodhi vetëm se ajo raportonte si gazetare atë që ndodhte ne realitet, që sipas saj nuk u ka pëlqyer kurrë qeverisë së atëhershme që drejtohej nga PD.

1613139343_zenepe.jpg

Zenepe Luka

 

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54