Përdhunimi i 15-vjeçares në Mirditë, Gjykata e Lezhës liron nga qelia të miturin Ardjan Gjinkolaj

Përdhunimi i 15-vjeçares në Mirditë, Gjykata e Lezhës liron nga qelia të miturin Ardjan Gjinkolaj

Ardjan Gjinkolaj

Gjykata e Lezhës ka liruar nga qelia, 18-vjeçarin Ardjan Gjinkolaj, i cili në muajin maj të vitit 2021-të bashkë me 4 persona të tjerë akuzohen se përdhunuan një 15-vjeçare në fshatin Tarazh të Mirditës, ngjarje kjo e cila tronditi mbarë opinionin publik dhe solli mjaft reagime.

Ndaj të miturit u vendos masa e sigurisë "Arrest në shtëpi", ndërsa zëvendesimi i masës erdhi me kërkesë të palës mbrojtëse e cila u pranua nga gjyqtari i çështjes me argumentin se kanë kaluar afatet e paraburgimit, ndërsa vendimi është lënë në fuqi dhe nga Gjykata e Apelit në Shkodër, pas ankimit që i kishte bërë prokurori. Ndërkohë çështja penale në ngarkim të 5 personave është në proces gjykimi në Gjykatën e Lezhës, ndërsa prokurori Ylli Pjeternikaj ka kërkuar 46.8 vite burg në total për 5 personat e vënë në akuzë.

Tashmë do të jetë trupa gjykuese e kryesuar nga gjyqtari Artan Hajredinaj e cila do të vendosë për fatin e të akuzuarve, teksa prej muajsh seancat gjyqësore po zvarriten për shkaqe të ndryshme. Nga hetimet e kryera organi i akuzës ka dalë në konkluzionin se 5 personat kanë kryer veprën penale "Marrëdhënie seksuale me dhunë, me të mitur të moshës 14-18-vjeç". Artan Kaçorri, Albert Molla, Ermal Tarazhi, Nikë Lleshi dhe shtetasi me iniciale Ardjan Gjinkolaj u arrestuan në muajin maj 2021 nga policia, pas denoncimit babait të një vajze 15-vjeçare i cili pretendonte se përmes shantazhit vajza e tij është përdhunuar me dhunë nga 5 personat.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 28/09/2022 00:25

    18 vjec nuk quhesh i mitur,je /adult/ ligjerisht dhe mban pergjegjesi te plote para ligjit.Tani vendosini nje byrzylyk me GPS ne kembe dhe nje pergjues ne tel.se mos arratiset,ose kercenon viktimen.

    Përgjigju
  • ben: 27/09/2022 11:02

    tani ta kalojne ne litare qelbanikun meqe qenka rrugeve.

    Përgjigju
  • Sondazhi i ditës:

    Mendoni se Samiti i BE në Tiranë do përshpejtojë integrimin?



×

Lajmi i fundit

Kremlini: Nuk shohim perspektivë për negocim, do i përgjigjemi sulmeve të Ukrainës në Rusi

Kremlini: Nuk shohim perspektivë për negocim, do i përgjigjemi sulmeve të Ukrainës në Rusi