POP 5

Lajmet më të lexuara të 5 minutave të fundit

Kronikë

Përdhunimi në grup i 26-vjeçares në Vlorë, pezullohen dy policë, akzuohen se vonuan hetimet! U ndalohet largimi nga Shqipëria (EMRAT)

Ministri i Brendshëm Taulant Balla ka njoftuar se janë pezulluar nga detyra dy efektivët e policisë, të cilët hetuan rastin e 26 vjeçares në Vlorë që u droga dhe u përdhunua nga disa persona ditë më parë. 

Përdhunimi në grup i 26-vjeçares në Vlorë, pezullohen dy policë, akzuohen se vonuan hetimet! U ndalohet largimi nga Shqipëria (EMRAT)

Albi Ceno, Oltjan Tahiri të arrestuar për përdhunimin e 26 vjeçares

VLORE - Dy policë me detyrë Specialist për Hetimin e Krimeve ne Komisariatin e Policise Vlorë u pezulluan sot nga detyra pasi akuzohen se kanë vonuar kryerjen e veprimeve të plota hetimore mbi rastin e përdhunimit në grup të 26 vjeçares, ngjarje që tronditi qytetin bregdetar pak ditë më parë.

Përveç pezullimit nga detyra, dy policëve N/Komisar Ervis Cipa dhe Ornela Hajrulla u është ndaluar dalja jashtë vendit. 

Lajmi u mësua nga ministri i Brendshëm Taulant Balla i cili përmes një postimi në facebook informoi se me të mësuar ngjarjen tronditëse kërkoi verifikimin e veprimeve të Policisë së Vlorës.

"Për këtë qëllim Agjensia e Mbikqyrjes Policore dhe Prokuroria e Jursdiksionit të Përgjithshëm Vlorë kanë hetuar veprimet e policisë së shtetit në këtë rast, duke çuar në vendimin e sotëm të Gjykatës Vlorë për pezullim nga detyra dhe ndalim dalje jashtë vendit të dy punonjësve të Drejtorisë së Policisë. Vonesa në kryerjen e veprimeve të plota hetimore që në momentin e parë është e pafalshme dhe më rëndë akoma bashkëpunim me dhunuesit" shkruan Balla.

Si ndodhi ngjarja?
Të shtunën e 21 tetorit 2023, 26-vjeçarja nga Vlora u gjet në gjendje të rëndë pa ndjenja në Rrugën Transballkanike në Vlorë, pranë një hoteli. Një ditë pas, 22 tetor, policia njoftoi arrestimin e Albi Ceno dhe Oltjan Tahirit ndërsa ishte shpallur në kërkim Gentjano Mehmetin. 

Ndërkohë më 24 tetor 2023 policia njoftoi se vijonte puna për arrestimin e një personi të katërt, V.K, 36 vjeç për veprën penale “Nxitja për përdorimin e drogës. Një ditë më parë, 2 nentor, përfaqësues të shoqërisë civile protestuan para prokurorisë së Vlorës duke kërkuar mbrojtjen e viktimës së dhunës seksuale dhe dënimin maksimal të autorëve. 

B.V/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nasho: 04/11/2023 15:16

    Ju te gjithe flisni per nje perdhunim, i cili per hir te se vertetes nuk ka ndodhur asnje here. Ky rast eshte thjesht edhe vetem nje marredhenie seksuale ne grup e kryer me deshire mes disa te rinjve te cilet kane konsumuar droge e alkool. Thene thjesht “orgji”. Ka nje diference te madhe midis pergjegjesise morale dhe asaj penale. Moralisht veprimet e tyre jane te denueshme sepse jane te martuar e me femije, por penalisht keta djemte nuk kane asnje faj dhe jane viktimave te ketyre cmendurive mediatike qe nje rast te ke tille e shendrruan ne ceshtje te dites. Vajza qe pretendon se eshte dhunuar ne menyre makaber dhe te vazhdueshme per ore e ore te tera, ka shpikur nje histori te pavertete dhe me vjen sinqerisht keq qe tek ky manipulim, pale po behen edhe mediat seriose te ketij vendi. Qui vadis?

    Përgjigju
  • Sallata: 04/11/2023 08:54

    Asnje lirim per ta, nen efektin e droges te kapin nenat dhe motrat e tyre, denim maksimal per njerzit e pashpirt.

    Përgjigju
  • mergimtari: 04/11/2023 08:22

    Raste te tilla jane jashte cdo perceptimi njerezor.Prokuroria dhe gjykata duhet ta zbardhin sa me shpejt ngjarjen dhe denimi te jete shembellor.Moshat e medha qe kane banuar ne Vloren e para 55-viteve e dine mire se cfar denimi morren disa te "rinj"te asaj kohe per tentative perdhunimi.Denimet ishin deri me marrje jete dhe me pas u konvertua ne 25-vite privim lirie.Sa per punonjesit e policise do te thosha qe nuk duhet te kene vend ne rradhet e Policise teShtetit me qendrimin jo korrekt ne hetimin e ngjarjes.

    Përgjigju
  • Krenar: 03/11/2023 19:21

    Te lirohen urgjent cunat se s,kane fare faj.Fajin e kane policet qe se hetuan fare ngjarjen

    Përgjigju
    • Gallat: 04/11/2023 08:04

      Te lirohen cunat dhe te futen nenat e tyre brenda per edukimin shembullor qe u kane dhene

    • Gimi: 03/11/2023 19:31

      Te lirohen cunat se perdhunuan nen efektin e droges nje femer.Uroj mos te ndodhte ne familje ty, dhe askujt tjeter.

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Sot Amerika vendos/ Nisin votimet! Garë e ngushtë presidenciale, por Harris është 4 pikë në avantazh! Qendrat e votimit me xhama antiplumb e dyer çeliku

Sot Amerika vendos/ Nisin votimet! Garë e ngushtë presidenciale, por Harris është 4 pikë në avantazh! Qendrat e votimit me xhama antiplumb e dyer çeliku

5 Nëntor, 07:21