Akuzohet se përdhunoi një grua në Greqi, 45-vjeçari shqiptar zbulohet nga ADN-ja, arratiset drejt Shqipërisë! Ishte i alkoolizuar, dhunonte edhe nënën e tij

Akuzohet se përdhunoi një grua në Greqi, 45-vjeçari shqiptar zbulohet nga ADN-ja, arratiset drejt Shqipërisë! Ishte i alkoolizuar, dhunonte edhe nënën e tij

Autori 45-vjeçar shqiptar

GREQI- Episode tronditëse të dhunës seksuale në Greqi, ku një 45-vjeçar shqiptar i identifikuar si Spartak Dyrmishi ka përdhunuar një 34-vjeçare greke në orët e para të së dielës së kaluar në një stacion autobusi, më 23 tetor, në Paleo Faliro dhe ka tentuar të përdhunojë një vajzë 24-vjeçare.

Mediat greke shkruajnë se 45-vjeçari është larguar nga Greqia të enjten e kaluar drejt Shqipërisë nëpërmjet pikës kufitare të Kakavijës. Autoritetet greke kanë arritur të zbulojnë se ai është autori nëpërmjet materialit gjenetik, ADN-së që kishte lënë në makinën e njërës prej  vajzave që sulmoi, por është arritur të identifikohej edhe nga tatuazhi i tij.

45-vjeçari jetonte me nënën e tij prej 3 vitesh në Greqi pasi thuhet se ishte i divorcuar nga bashkëshortja, ndërkohë është dhe babai i dy fëmijëve.

Ai përshkruhet si një person i dhunshëm, i alkoolizuar, me sjellje problematike, i cili madje dhunonte dhe nënën e tij, bazuar dhe në dëshmin e fqinjëve të cilët shpesh e dëgjonin të bërtiste.

Të dielën e kaluar, 45-vjeçari përdhunoi nën kërcënimin e një thike një 34-vjeçare greke. Në të njëjtën zonë, një tjetër vajzë 24 vjeçe u ankua se një person kishte tentuar të abuzonte seksualisht me të. Ngjarja bëri shumë bujë në vendin fqinj, pasi ndodhi në vazhdën e shumë përdhunimeve të kryera këto kohë në Greqi. Ndaj 45-vjeçarit shqiptar tashmë në arrati, janë ngritur akuza për dhunim të kryer dhe tentativë, dhunë, kanosje me armë dhe rrëmbim.

Rendit zhvillimet sipas orarit:
Ora 22:18
I akuzuar për përdhunim në Greqi, nëna e 45-vjeçarit: Për mua ia ka vdekur! Më merrte lekët e pensionit! Pinte alkool dhe hashash

Autori 45-vjeçar

Autoritetet policore në Greqi janë vënë në gjurmët e 45-vjeçarit që përdhunoi një grua në Paleo Faliro dhe tentoi të sulmonte një tjetër. Ai dyshohet se u arratis në Shqipëri .

Sipas informacioneve, ai ka mbërritur në kufirin greko-shqiptar rreth orës 1 të mëngjesit të datës 27 tetor dhe nga ku më pas nga Kakavija ka shkuar drejt Shqipërisë. Punonjësit e policisë e kanë identifikuar autorin përmes kamerave të sigurisë së zonës, deklaratave me përshkrimin e plotë të tij, por edhe nga materiali gjenetik që u zbulua.

Nëna e 45-vjeçarit foli për mediat greke ku tregoi jetesën e saj të vështirë për shkak se djali i saj ishte i alkoolizuar, përdorte dhe lëndë narkotike.

“Ai ka vdekur për mua. Nuk mundem. E ndjej se ka vdekur. Unë nuk e dua atë. Unë jam 70 vjeç. Unë them do marr pension, po më merrte lekët. Ai pi cipuron, pi birra, policia erdhi këtu, gjeti një cigare hashash. Nuk e dua një fëmijë të tillë”, u shpreh  nëna e 45-vjeçarit.

Edhe sipas fqinjëve, ai shpesh kishte shpërthime të dhunshme, ndërsa zërat dëgjoheshin nga brenda shtëpisë së tij. Madje, policia është thirrur disa herë në vendngjarje.

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Vlorë/ Aksident te rrethrrotullimi që të çon në Nartë, makina përplaset me bordurat anësore, 2 të plagosur (FOTO)

Vlorë/ Aksident te rrethrrotullimi që të çon në Nartë, makina përplaset me bordurat anësore, 2 të plagosur (FOTO)