Presidenti i ekipit të Realit të Madridit Florentino Perez thotë se Ronaldo nuk është në shitje, madje ai shumë shpejt do të bëhet futbollisti më i paguar në botë dhe kontrata e tij me Realin do të rinovohet.

“Cristiano Ronaldo është futbollisti më i mirë në botë. Unë dëshiroj që ai të jetë më i paguari dhe të ndërtoj skuadrën përreth tij. Për të nuk ka patur asnjë ofertë nga PSG.

Kaluam një moment shumë të vështirë, por më pas ai reagoi në mënyrë spektakolare. Mourinhon e kam këshilluar që Ronaldo nuk është në shitje.

Nuk mund të privohemi nga futbollisti më i mirë qe kemi. Crsitiano ka qenë një shembull i mirë dhe nuk ka probleme me askënd.

Është më i miri në botë dhe dëshiroj që të jetë më i paguari në botë” përfundoi presidenti.


d.b/shqiptarja.com