Përfaqëson zonën me popullsi hebreje në Londër, kërcënohet me zjarrvënie në zyrë ligjvënësi britanik

Ligjvënësi britanik Mike Freer, i cili përfaqëson një zonë në Londër me popullsi të madhe hebreje, tha se do të hiqte dorë nga mandati i tij parlamentar në zgjedhjet e ardhshme pasi mori një sërë kërcënimesh, duke përfshirë një sulm me zjarrvënie në zyrën e tij.

Freer i cili nuk është hebre, ka përfaqësuar zonën elektorale Finchley dhe Golders Green që nga viti 2010. Ai përmendi disa kërcënime serioze për sigurinë personale në një letër që shpjegonte vendimin e tij për të mos kërkuar rizgjedhje më vonë këtë vit, raporton Reuters.

"Vjen një moment kur kërcënimet për sigurinë tuaj personale bëhen të tepërta dhe gjithashtu të tepërta për bashkëshortët dhe familjen tonë", tha ai në një intervistë me Daily Mail.

LEXO EDHE:
'Duam të dimë kush i ka urdhëruar të na vjedhin', bandat shqiptare të drogës ofrojnë shpërblime deri në 30 mijë paund për kapjen e hajdutëve në 'fermat' e kanabisit

Raportet e abuzimit antisemitik në Britani janë rritur ndjeshëm në muajt pas sulmit të Hamasit të 7 tetorit në Izraelin jugor që vrau rreth 1200 njerëz dhe shkaktoi një sulm ushtarak izraelit në Gaza.

S.S/Shqiptarja.com

TAG:
• Britani e Madhe