Përfaqësuesi i qeverisë greke drejtuar Erdoganit: Ne nuk provokojmë! Propaganda turke nuk bind askënd! Greqia faktor stabiliteti

GREQI- Përfaqësuesi i qeverisë greke Janis Economou deklaroi gjatë ditës së sotme se “sado që  presidenti turk Recep Tayip Erdogan dhe lidershipi turk përpiqen që me propagandë e kërcënime të panikojnë e tmerrojnë, Greqia mbetet një faktor stabiliteti dhe se “ajo mbetet e vendosur në çështjet që lidhen me sovranitetin kombëtar”.

Economou iu referua kërcënimeve të presidentit turk dhe shtoi se të gjithë e kuptojnë se "pretendimet e tij janë të pabaza dhe johistorike."

“Ne nuk provokojmë. Ne jemi faktor stabiliteti dhe paqeje, por jemi absolutisht të palëkundur në çështjet e sovranitetit kombëtar dhe jemi absolutisht të aftë të menaxhojmë çdo kërcënim në mënyrë efektive”, tha ai.

LEXO EDHE:
'S'kemi punë në shtëpi', fjalët e fundit të shqiptares para se ish-burri ta qëllonte 15 herë me thikë! E denoncoi më 7 maj: Më ruan me makinë poshtë banesës

Kujtojmë se presidenti turk, duke folur për raketën balistike Tayfun që Turqia testoi ditët e kaluara, tha dje se "Turqia po forcon sistemet e mbrojtjes ajrore, raketat, të blinduara...” Lideri turk tha se Turqia po përpiqet të kalojë në një nivel tjetër, me risitë teknologjike, duke i treguar botës guximin dhe vendosmërinë e tyre duke pasur tashmë dhe raketat  “Tayfun”.

S.C/Shqiptarja.com

TAG:
• greqi
• Janis Economou
• Recep Tayyip Erdoğan
• turqi