POP 5

Lajmet më të lexuara të 5 minutave të fundit

Ekonomi

Përfitimi financiar, tetë lekë në
ditë, qeveria tallet me të verbërit

Mbi dhjetë mijë të verbër, para dhe tetraplegjikë, apo invalidë të ndryshëm, do të marrin shtesë në muaj 250 lekë. Ekzekutivi në ikje është kujtuar të bëjë një rritje të përfitimit financiar në adresë të personave me aftësi të kufizuara.
Prej kohësh, pa ndihmë financiare
Kur ka dalë udhëzimi i ministrit Ksera
Përfitimi financiar, tetë lekë në<br />ditë, qeveria tallet me të verbërit
TIRANE - Ekzekutivi në ikje është kujtuar të bëjë një rritje të përfitimit financiar në adresë të personave me aftësi të kufizuara. Rritja është aq e vogël, sa mezi barazohet me një indeksim të thjeshtë me nivelin e inflacionit, ndërkohë që prej kohësh personat me aftësi të kufizuara kanë ngritur kërkesat e tyre për një rritje të ndjeshme të ndihmës nga ana e shtetit, përballë rritjes së shpenzimeve që janë të detyruar të përballojnë për shumë mallra e shërbime.
 
TË VERBËRIT

Masa e përfitimit të një qytetari shqiptar për shkak të verbërisë bëhet 11.100 lekë në muaj, theksohet në Udhëzimin e fundit të ministrit të Punës, Çështjeve Sociale dhe Shanseve të Barabarta Spiro Ksera.  Të njëjtën masë përfiton edhe kujdestari i të verbrit. Efektet financiare, për zbatimin e këtij udhëzimi, fillojnë nga 1 shtatori i vitit 2013 dhe parashikohet të përballohen me fondet e akorduara për vitin 2013 për Ministrinë e Punës, Çështjeve Sociale dhe Shanseve të Barabarta në programin “Mbrojtja sociale”, Udhëzimi nr. 8, datë 20.9.2012 i Ministrit të Punës, Çështjeve Sociale dhe Shanseve të Barabarta, shfuqizohet. Në këtë udhëzim të mëparshëm theksohej se masa e përfitimit për shkak të verbërisë ishte 10.850 lekë në muaj. Të njëjtën masë përfiton edhe kujdestari i të verbrit. Rritja është kështu në masën 250 lekë në muaj ose pak më shumë se 2 për qind.
 
INVALIDËT

Masa e përfitimit për invalidët paraplegjikë dhe tetraplegjikë, nga ana tjetër, do të bëhet sipas të njëjtin Udhëzim ministror  9.750 lekë në muaj, ndërkohë që masa e përfitimit për kujdestarin e invalidit paraplegjik dhe tetraplegjik bëhet 10.250 lekë në muaj.  Efektet financiare, për zbatimin e këtij udhëzimi, fillojnë sërish nga 1 shtatori i vitit 2013. Me këtë rast, Udhëzimi nr. 9, datë 16.10.2012 i Ministrit të Punës, Çështjeve Sociale dhe Shanseve të Barabarta, shfuqizohet. Në këtë të fundit përcaktohej masa e përfitimit për invalidët paraplegjikë dhe tetraplegjikë 9.500 lekë në muaj dhe ajo e kujdestarit të invalidit paraplegjik dhe tetraplegjik 10.000 lekë në muaj. Rritja si për invalidin, ashtu edhe për kujdestarin e tij është po ashtu 250 lekë në muaj.
 
AFTËSIA E KUFIZUAR
Ashtu si në rastin e invalidvëe, edhe masa e përfitimit të aftësisë së kufizuar bëhet 9.750 lekë në muaj, si për personat që i përkasin kësaj kategorie, ashtu edhe për kujdestarin e personit me aftësi të kufizuar.
Rritja mbetet gjithnjë e njejtë: 250 lekë në një muaj.

Shifra e rritjes është e barabartë me vetëm 8 lekë të reja në ditë për të gjitha kategoritë e përmendura më sipër. Por, edhe për pagesat e mëparëshme ka patur vonesa prej disa muajsh, të shoqëruara nga protesta të shpeshta të personave me aftësi të kufizuar.

Ndryshimi i pagesave për aftësitë e kufizuara me logo
(Në foto: Ndryshimi i pagesës për aftësinë e kufizuar (majtas), ndryshimi i pagesës për personin paraplegjik e tetraplegjik(djathtas)

Ndryshimi i pagesës për të verbërin dhe kujdestarin e tij me logo
(Në foto: Ndryshimi i pagesës për të verbërin dhe kujdestarin e tij)

Shkrimi u botua sot në gazetën Shqiptarja.com (print) 28.05.2013
 
Redaksia Online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin

Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin

27 Nëntor, 22:19