Rama ‘dush të ftohtë’ kryetarëve të PS, ministrave e kryebashkiakëve: Në shtator mund të ketë ndryshime në qeveri

Duke dëgjuar parafolësit opinionit mund ti krijohet ideja se sipas nesh gjërat janë në rregull. Unë dua të them se ‘Jo’ të gjithë gjërat nuk janë në rregull. Njerëzit nuk hanë shifra, nuk e mbushin tavolinën me statistika, nuk i veshin fëmijët me suksese dhe në fund të muajit nuk llogarisnin shifrat, por shikojnë ekonominë e tyre. Sot nuk kemi opozitë, ajo që kemi është një gërdi individësh dhe grupesh të çoroditura, që në pamje të parë duket se e bën më të lehtë punë tonë, por jo, sepse një opozitë që nuk të sfidon në intelekt, por fizikisht është një hata e madhe. Një opozitë që shkon në Kuvend si në një tapet mundje, është një hata e madhe.

Opozita është shumë rrezikshme për ne, jo për rezultatin e zgjedhjeve, por për tu motivuar për të bërë më të mirën. Sfida kryesore është motivimi. Reporteri i Bundestagut tha asnjë vend nuk ka bërë sa Shqipëria para hapjes së negociatave. Por ne nuk shumë akoma për të bërë. Kur qeveris e djathta mjafton të mos hanë kokrrën e plumbit në protestë dhe të gjenden të dhunuar në të drejtën e tyre janë në rregull, kur qeveris e majta ka gjithmonë më mirë. Nga ne njerëzit nuk mund të kënaqen se nuk i vrasim rrugëve dhe nuk i dhunojmë verbalist dhe fizikisht.

Ne jemi një forcë e të ardhmes, ata e të shkuarës. Gjithë ajo luftë mbi dhe nën dhe për të çuar para reformën në drejtësi dhe ajo përballje ekstreme me çadrën në bulevard për të çarë rrugën e vettingut ka qenë sikur e kemi treguar. Sot pallati i drejtësisë po shembet, të korruptuarit nuk kanë shpëtim. Njerëzit po e shohin si po përshkallëzohet procesi dhe po largohen ata që e kanë mbajtur peng pallatin e drejtësisë, por cfarë thonë? Si të shpëtojnë këta me kaq? Vettingu është procesi i pastrimit. Akush nga ata që ikin, nuk do lihet pa u rithirrur se ku i gjete paratë?

Vettingu që po bëhet ka synim që të pastrojnë sistemin dhe është sistemi që e bën pastaj për të gjithë, edhe për mua edhe për këdo tjetër, atë që bën për gjykatësit dhe prokurorët. Ne duhet të jemi krenarë që PS ka treguar se është e vetmja forcë që mendon dhe vepron si forcë e së ardhmes. Në korrikun e famshëm ishim gati vetë ekszistencën e qeverisë për ta cuar përpara transformimin e drejtësisë.

Nga 2008-13 janë sekuestruar 27 mln euro, ndërsa deri tani 152 mln euro, 5 herë më shumë. Përsa i përket luftës kundër korrupsionit, e kemi problem aktual në të gjitha nivelet, por nuk do të triumfojë kurrë nëse është një luftë që fokuset të ndëshkueshmëria e individëve, por vetëm nëse garantohet sistemi. Unë prisja nga Spiropali të thoshte për gjërat për të cilat është zgjedhur, se cilët kryetar të PS duhen shkarkuar sot se nuk duan t’ia dinë që bashkëqeverisjen me një instrument konkret, platformën ta vendosin online për të gjithë njerëzit rrinë rrugëve duke kapur një deputet apo dikë tjetër për të marrë një certifikatë.

Si mundet që të kemi bashki, që kryetarët e partive nuk e kanë marrë vesh. Deputetëve u duhet dhënë mundësia të kenë pikën e referimit. Ku janë kreytarët e partive, nuk ua ka dhënë njeri detyrën të merren me punësime, ka që e bëjnë, duhen shkarkuar. Nuk duhet të bëjnë ndërmjetësime, apo për të rregulluar fisin e tyre. Njerëzve nuk u mjafton se cfarë thotë Rama në Tv, nëse këto që thuhen nuk janë realiteti i qeverisjes. Elisa nuk e bëri se nuk ka bërë detyrën si duhet dhe unë shpresoj që ta bëjë.

Nuk mund të them që drejtimin e institucioneve do të marrin më të mirët, kush paguan për këtë? Paguan PS, në imazh dhe kredibilitet. Me drejtorët e zyrave të punës kemi shembullin më kuptimplotë, që nga momenti kur ministri ka vendosur objektiva, 1369 punësime vetëm në muajin mars nga zyrat e punës. Deri pardje ishin 2020 të punësuar për prillin, ne mund të punësojmë nga zyrat e punës 25 mijë njerëz deri në fund të vitit. Ne bëmë konkurs për punësimet në burgje dhe kryetar partish lart e poshtë vendosin në diskutim këtë proces?

Kjo nuk ka për të ndodhur, ne duhet të garantojmë mandatin në këtë aspekt. Pse thonë njerëzit ne qeverisim me arrogancë? Cila pjesë konsiderohet arrogante, se është e drejtë dhe bëjmë reforma dhe cila pjesë e qeverisjes është padrejtësisht arrogante me njerëzit. Kukësi ishte një mësim shumë i madh për të kuptuar përgjegjësinë tonë, cfarë ne nuk bëmë si duhet dhe cfarë duhet të bëjmë në vijëmësi.

Duke u nisur për një qëllim të mirë, të gjendesh përballë një reagimi që në fund të le në ballë etikën e arrogantit. Nuk do të ketë zgjedhje në fund të qershorit, por duhet të hapim cdo mendje dhe zemër për të dëgjuar. Nëse shohim sondazhet nuk kemi nevojë të bëjmë asgjë dhe ne fitojmë zgjedhjet, mjafton të jemi gjallë dhe e mundim Lulin, por ky nuk është qëllimi ynë, nuk kemi marrë gjithë këtë përsipër që të mundim Lulin, pasi do të isthe sikur Reali të ekzistonte për të mundur Vaqarrin. Ne do të vlerësojmë cfarë ndryshimesh do të bëjmë në qeveri në shtator, se cilat ministri nuk janë në lartësinë e kësaj nevoje.

Do të shikojmë emrat në Kryesi, sekretariati dhe kryetarët e partisë që do të largohen nga drejtimi në të gjithë vendin dhe detyra kryesore është bashkëqeverisja. Do shikojmë sa i shtrirë rrjeti familjar i kryetarit të partisë në administratë, por u kushërinjtë ose kryetari. Votëbesim popullor për të gjithë kryebashkiakët e PS. Kush e ka përgjegjësinë që në Çorovodë këshilltarët e PS nuk shkojnë në këshill duke bllokuar ndihmën e ekonomike, apo flirtimet për interesa personale.

Edi Rama

Në fjalën e tij para Asamblesë së PS, Taulant Balla deklaroi se në zgjedhjet e 2019 do të kenë vetëm një koalicion, atë me qytetarët. Përballë PS, sipas Ballës do të jetë aleanca që e do politikën për interesat e tyre, PD-LSI. Gjithashtu, Balla tha se PS do të depozitojë një nisëm që edhe qytetarët të kenë mundësi që të ndërmarrin nisma ligjore.

Në zgjedhjet e 2019 do të kemi vetëm një koalicion, atë me qytetarët, përballë do të kemi një aleancë që e duan politikën për interesat e tyre. Detyra jonë është sot që banorët e cdo komuniteti t’i krijojmë mundësi për të qenë pjesë e analizës. Grupi ynë do të depozitojë për nisëm ligjvënëse të qytetarëve të Shqipërisë. Tashmë do të bëjmë me ligj, që qytetarët e thjeshtë nuk kanë nevojë për firmën e deputeteve, por mund të marrin vetë një nisëm ligjore.

Taulant Balla

Fjala e plotë e Taulant Ballës

Jemi sot 10 muaj nga zgjedhjet historike të 25 qershorit, të cilat ishin votëbesimi më i qartë popullor për programin tonë të bazuar në tre shtylla kryesore: në shtet, punë dhe mirëqenie.

Këto janë shtyllat në të cilat mbështetet edhe Shqipëria Europiane, një projekt që pas rekomandimit pozitiv pa kushte të Komisionit Europian, tanimë është më pranë se kurrë të qenit realitet.

Pa dyshim mbetet përpara ende një rrugë e gjatë, që Shqipëria të shndërrohet në një vend anëtar me të drejta të plota në Bashkimin Europian.

Megjithatë ne duhet të jemi krenarë, si Partia Socialiste e Shqipërisë, që rekomandimi i Komisionit është dëshmia më e qartë që vendi po ecën në drejtimin e duhur.

Arritjet e këtyre gjashtë muajve të parë që ne kemi marrë në analizë për qeverisjen janë një rikonfirmim se ne, Partia Socialiste, jemi duke zbatuar një për një të gjitha angazhimet për të cilat shqiptarët na votuan që të qeverisim vetëm, si kurrë më parë në 25 vitet e fundit.

Por, në këtë kontekst duhet të kujtoj se për ne është themelore përfshirja e drejtpërdrejtë e publikut, e njerëzve të zakonshëm në vlerësimin se çfarë ne kemi bërë në këto gjashtë muaj, se çfarë nuk kemi mundur të bëjmë në këto gjashtë muaj dhe si mund t’i kishim bërë më mirë këto gjëra të bëra këto gjashtë muaj.

E për këtë qëllim është detyruese që ne të fillojmë menjëherë, prej ditës së parë të muajit maj e deri në fund të qershorit, një proces të plotë llogaridhënieje në të 321 njësitë administrative të vendit, në të 61 bashkitë e vendit dhe 12 qarqet.

Kontrata e besimit, e konkretizuar në marrëveshjen e firmosur në fillim të kësaj legjislature parlamentare mes meje si Kryetar i Grupit Parlamentar dhe si Sekretar i Përgjithshëm me çdo ministër, ka synuar garantimin e bashkëpunimit mes palëve për të rritur cilësinë e punës së përbashkët dhe përgjegjshmërinë individuale e kolektive të palëve, në funksion të përmbushjes së detyrimeve që burojnë nga kontrata e Partisë Socialiste me popullin shqiptar, për vitet 2017-2021.

Konstatoj se në përfundim të 180 ditëve të para të mandatit qeverisës, Grupi Parlamentar ka marrë dhe po merr në analizë secilin prej ministrave në seanca dëgjimore të hapura të zhvilluara të gjitha në selinë e Partisë Socialiste, për të shqyrtuar kontratën e performancës së secilit për sektorët që mbulojnë. Gjithashtu është bërë edhe një analizë paraprake për zbatimin e kësaj marrëveshjeje sipas metodologjisë së përcaktuar në të.

Në dosjet e punës që ka secili prej anëtarëve të Asamblesë Kombëtare, keni një përmbledhje sintezë të raportimit për çdo ministri.

Si do të zhvillohet procesi i llogaridhënies publike?

Historia që në këtë vend qeveria apo të zgjedhurit deputetë, kryetarë bashkie japin llogari para zgjedhësve vetëm kur ka zgjedhje, i përket së shkuarës.

Më 25 qershor jemi votuar për ta ndryshuar këtë histori dhe kjo histori po ndryshon dhe do ndryshojë brenda ditës.

Për ne llogaridhënia publike është institucion, është kontrata jonë e bashkqëqeverisjes me qytetarët.

Më lejoni të rikujtoj këtu se në Zgjedhjet Lokale të vitit 2019, ne do të kemi vetëm një koalicionin: Aleancën me Qytetarët; përballë kemi një aleancë politikanësh që politikën e duan si mjet për interesat e tyre dhe jo për interesat e Shqipërisë.

Detyra jonë sot është njerëzve, banorëve të çdo komuniteti në cdo cep të Shqipërisë, t’i krijojmë mundësitë për të qenë pjesë e analizës së 6 muajve të parë të qeverijes tonë qendrore, por edhe 33 mujore të qeverisjes së pushtetit vendor nëpërmjet një procesi llogaridhënës. 

Pjesë e këtij procesi duhet të jetë edhe komunikimi publik i projekteve strategjike, që do të realizohen deri në fund të këtij mandatit që na kanë besuar shqiptarët; që publiku të dijë paraprakisht çdo projekt qoftë rrugë, qoftë urë, qoftë autostradë me toll, pa toll, qoftë ujësjellës, qoftë impiant i trajtimit të mbetjeve, qoftë shkollë, qendër shëndetësore; çfarëdo qoftë, ne duhet të komunikojmë me publikun.

Pjesë e këtij procesi duhet të jetë edhe komunikimi publik i politikave tona fiskale, politikave tona sociale, masat për shtresat në nevojë, gjithçka që bëjmë apo do të bëjmë në gjithë këtë kohë që kemi përpara.

Buxheti i vitit 2018 ishte buxheti i parë në Shqipëri që u ndërtua mbi bazën e konsultimeve publike, por përsëri na duhet që llogaridhënia, që e fillojmë nga 1 maji deri në 30 qershor, të përmbajë në vetvete edhe konsultimet publike mbi draftimin e buxhetit të ardhshëm, atë të vitit 2019.

Pjesë e këtij procesi duhet të jetë edhe intensifikimi i nxitjes së punësimeve nëpërmjet panaireve të punës. Grupi Parlamentar ka nisur prej dy muajsh një proces draftimi të një strategjie kombëtare për punësimin, e cila do t’i vihet në dispozicion qeverisë.

Sigurisht nuk duhet të lemë jashtë vëmendjes, gjatë kësaj fushate dymujore, edhe eventet sociale apo kulturore, sepse kanë të bëjnë me një lançim të sezonit të ri turistik që fillon.

Llogaridhënie publike do të thotë përfshirje e të gjithë qytetarëve pa përjashtim, sepse vetëm kështu jetësohet bashkëqeverisja jonë me qytetarët.

Në këtë proces do të përfshihen të gjithë: Kryeministri, drejtuesit politikë të qarqeve, ministrat, deputetët, kryetarët e bashkive, zëvendësministrat dhe të gjitha strukturat e tjera përgjegjëse.

Në çdo takim publik do të mbahet shënim çdo pyetje, çdo ankesë, çdo sugjerim.

Çdo pyetje duhet të marrë përgjigje.

Çdo sugjerim me vlerë të përfshihet në raportin përfundimtar.

Çdo ankesë  e drejtë duhet të sqarohet,  të marrë zgjidhje dhe personat përgjegjës të identifikohen.

Në fund të këtij procesi do të hartohet një raport përfundimtar, i cili do t’i paraqitet Asamblesë Kombëtare në mes të muajit korrik.

Pas miratimit nga Asambleja, me gjithë rekomandimet do të integrohet në planet e punës së qeverisë dhe sfidave e mandatit tonë bashkëqeverisës.

Fjala e plotë e Taulant Ballës

TAG:
• asambleja e ps 28 prill

Sondazhi i ditës:

Kë doni ju që të fitojë zgjedhjet në SHBA?

• Harris

  48.4%

• Trump

  48.3%

• S'kam mendim

  3.3%

Vota total: 8486

Votat totale janë unike

• Sondazhi i ditës:

  Kë doni ju që të fitojë zgjedhjet në SHBA?

  Harris Trump S'kam mendim