Përfundon procesi i shpërndarjes, mbi 12 mijë tekste mësimore gati për shkollat shqipe në Diasporë

Ka përfunduar procesi i shpërndarjes së teksteve mësimore në përfaqësitë diplomatike dhe konsullore, për shkollat shqipe në Diasporë.

Kjo u bë me dije nga Ministrja e Jashtme Olta Xhaçka, e cila tha se gjithsej janë shpërndarë 12 mijë tekste shkollore për nxënësit dhe mësuesit e shkollave shqipe, në 21 vende të ndryshme të botës.

"Procesi i shpërndarjes së teksteve mësimore në përfaqësitë diplomatike dhe konsullore, për shkollat në Diasporë përfundoi. 12 mijë tekste shkollore për nxënësit dhe mësuesit e shkollave shqipe, të shpërndara në 21 vende të ndryshme të. Ministria për Evropën dhe Punët e Jashtme dhe Qendra e Botimeve për Diasporën, për të tretin vit radhazi kanë bashkëpunuar për ruajtjen dhe zhvillimin e gjuhës dhe identitetit në çdo cep të botës ku shqiptarët jetojnë e punojnë. Shpresëplotë dhe të angazhuar që këto shkolla do të shtohen dhe zgjerohen në të ardhmen! Vit të mbarë mësuesve dhe suksese të gjithë nxënësve shqiptarë anembanë", shkruan Xhaçka.

LEXO EDHE:
Rama: Gjykata Kushtetuese nuk dha vendim për heqjen e mandatit të Xhaçkës, po ta bënte s’do diskutohej

Sipas Xhaçkës, shkollat shqipe në Diasporë do të shtohen dhe zgjerohen.

TAG:
• olta xhaçka
• libra
• diaspora
• shkollat shqipe