POP 5

Lajmet më të lexuara të 5 minutave të fundit

Politikë

Përfundon rindërtimi i rrugëve në Myzeqe, Rama: Lehtësohet lëvizja e njerëzve dhe e prodhimeve! Qytetarët: Na hoqe çizmet! Braçe me 2 maska për mbrojtje ndaj COVID (VIDEO)

Kryeministri Edi Rama ka shkuar në Lushnje, me rastin e përfundimit të rindërtimit të të gjitha rrugëve rurale të zonës bujqësore të fushës së Myzeqesë.

Kryeministri Edi Rama ka shkuar në Lushnje, me rastin e përfundimit të rindërtimit të të gjitha rrugëve rurale të zonës bujqësore të fushës së Myzeqesë.

Rama ka thënë se tashmë do të lehtësohet plotësisht lëvizja e njerëzve dhe e prodhimeve, në këtë zonë shembullore për transformimin e bujqësisë e për rritjen e eksporteve në këto vitet e fundit.

Një qytetar i është drejtuar kryeministrit i entuziazmuar duke i thënë se pas kaq shumë kohësh u ka hequr çizmet dhe i ka nxjerrë nga balta.

"I pari kokë e qeverisë që shkel sot në Myzeqe. Rrofsh që na hoqe çizmet dhe baltën", tha qytetari.

Gjatë takimeve me banorët, Rama u përball me një kërkesë nga një grua për orarin e mbylljes.

“Kam një kërkesë; kam kaq vite që vete te fruta perime në treg dhe ai orari meqë ishte pandemi, të bëhet sa më i shkurtuar, 6-8, që të mbarojmë punë shpejt të shesim edhe të mos rrimë kështu si tani, më të shkurtuar”, tha ajo.

Ndërsa kryeministri u përgjigj “Halle halle kjo dynja, ca e duan më të gjatë, ca më të shkurtuar, hajde gjeje”. “Na hoqe çizmet” i tha një banor, referuar rrugës së re. Ecjen në rrugën e re të kryeministrit e shoqëroi e lehura e një qeni që nuk pushoi, ndërsa Rama bëri një batutë “Si s’u lodhe more, si s’u lodhe, cfarë e ke këtë?”, i tha ai të zotit.

Rama është shoqëruar në këtë inspektim nga zv.kryeministri Erion Braçe, i cili mbante 2 maska për t'u mbrojtur nga virusi.

Rendit zhvillimet sipas orarit:
Ora 14:23
Rama i jep 'leksione' nxënësit në Lushnje dhe bën kosh në fushën e basketbollit: Luaj se të ndihmon me reflekset

Kryeministri Edi Rama ndodhet në Lushnje në një shkollë qendër komunitare, e cila është rinovuar.

Në fushën e basketbollit të shkollës, Rama ka bërë një ndeshje të shkurtë me një nxënës ku dhe i ka dhënë leksione këtij të fundit si të bëjë një kosh. Ka qenë nxënssi ai që e ka provuar i pari të bëjë kosh por "dështuar". Më pas e ka provuar Rama i cili e ka hedhur topin menjëherë në rrjete.

Pas kësaj ai e ka ndihmuar edhe nxënësin që të shënojë kosh dhe në fund të bisedës i ka thënë që të luajë në mënyrë që të zhvillojë reflekset.

"Duhet të lozësh basketboll dhe së të ndihmon me reflekset e topit në ajër", tha Rama.

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjigandi Edi Rama: 22/12/2020 19:03

    Bravo të qoft o GJIGANDI Edi Rama hec përpara qent le të lefin e jargaviten ti prap fiton e lylit llosh kosh ja bon. Hallall qumshti nonës mor burr.

    Përgjigju
  • Turi: 22/12/2020 15:34

    Bravo rama,,,vazhdo me pune ti,,ne kemi voten gati oer ty..

    Përgjigju
    • Bravo: 22/12/2020 22:43

      Bravo Edi e PS! Suksese!

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06