Pas publikimit në media të disa përgjimeve të antimafias italiane për 'Ndragheta-n', ku mafiozët italianë pretendonin se kishin kontakte edhe me zyrtarë në Shqipëri, Prokuroria e Posaçme Anti Korrupsion, SPAK, ka nisur hetimet kryesisht. Arben Kraja ka shkuar në Itali, ku ka zhvilluar një takim me kryeprokurorin e Antimafias, Cafiero de Raho.
Kreu i SPAK Arben Kraja ka shkuar në Itali, ku ka zhvilluar një takim me kryeprokurorin e Antimafias, Cafiero de Raho. Burime për gazetarin e Report Tv, Arsen Rusta bëjnë me dije se hetuesit e SPAK do të kthehen nga Roma me dosjet e plota, kur përfshihen shqiptarët. Sipas marrëveshjes mes SPAK dhe antimafias italiane nuk ka nevojë për letërporosi për marrjen e dokumentacionit.
Në përgjimet e Ndraghetës përmendeshin politikanë dhe zyrtarë të lartë të Shqipërisë. Mafiozët italianë pretendonin se mund të ndërtonin dhe të bënin biznese në Shqipëri. Prokurori që do të ndjekë hetimet e dosjes 'Ndragheta' në Shqipëri është Sotir Kllapi.
Përmes një njoftimi SPAK bën me dije se regjistrimi i këtij procedimi penal është bërë më datë 25 janar, dy ditë pas publimit të përgjimeve. Procedimi sipas Prokurorisë së Posaccme është bërë mbi bazën e disa artikujve të publikuara në media të ndryshme, në lidhje me hetimet e kryera nga Prokuroria Antimafia e Catanzaros në Republikën e Italisë, të cilat hedhin dyshime në lidhje me përfshirjen e shtetasve shqiptarë dhe të huaj, në aktivitete kriminale në Republikën e Shqipërisë,
"Në kuadër të sqarimit të rrethanave dhe fakteve që lidhen me objektin e hetimeve të këtij procedimi penal, sot me datë 04.02.2021 në selinë e Drejtorisë Kombëtare Antimafia dhe Antiterrorizëm në Romë, u zhvillua një takim koordinativ. Takimi u realizua nën drejtimin e zotit Federico Cafiero de Raho, Drejtues i Prokurorisë Kombëtare Antimafia dhe Antiterrorizëm, Itali dhe zotit Arben Kraja, Drejtues i Prokurorisë së Posaçme, Shqipëri, me pjesëmarrjen dhe të prokurorëve italianë dhe shqiptarë që hetojnë këto dy procedime penale në shtetet respektive. Prokuroria e Posaçme kundër Korrupsionit dhe Krimit të Organizuar garanton publikun se është e vendosur për të hetuar deri në fund çdo element dhe fakt që përbën indicie për veprimtari kriminale të kryer në territorin e Republikës së Shqipërisë dhe që lidhet me objektin e hetimeve të kryera deri tani nga Prokuroria Antimafia e Catanzaros", thuhet në njoftimin e SPAK.
Kujtojmë se publikimi i përgjimeve krijoi një debat të madh politik në vend, me akuza dhe kundërakuza. Ishte opozita e cila mendoi se me botimin përgjimeve të hetimeve mbi Ndrangheta-n nga Prokuroria e Catanzaros do t’i jepte një dimension tjetër rrjedhës së fushatës elektorale. Megjithatë deri më tani nga dosja e publikuar nuk ka asgjë konkrete. Të gjithë ata mafiozë që flisnin për super kontakte në Tiranë kishte vetëm një biznes i cili përfundoi me mosmarrëveshje dhe borxhe ekonomike. Hetimi i SPAK pritet të qartësojë këto akuza dhe nëse do të ketë vërtet material për ta bërë serioze çështjen.
Dy javë më parë policia italiane ka zhvilluar një megaoperacion dhe ka vënë në pranga një grup shumë të madh personash si të përfshirë në grupin mafioz italian "Ndrangheta". Mediat italiane kanë raportuar se janë ekzekutuar 50 masa ndalimi me akuzën për korrupsion dhe mashtrim në vlerën e 250 milionë eurove. Nga personat e përfshirë në hetime janë edhe dy shqiptarë, Henrik Baci i cili është lënë në arrest shtëpie dhe një vajzë, Odeta Hasaj, e cila është lënë në masën e arrestit 'Detyrim paraqitje'.
Arben Kraja dhe Cafiero de Raho
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Reduktohet personeli Italian në qendrat e emigrantëve në Lezhë, fillojnë rikthimet në Itali
23 Nëntor, 09:58 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Itali/ Grupi i ‘skifterëve’ shqiptarë i ikën policisë me ‘Golf’ të vjedhur, njëri arrestohet dhe 2 arratisen! 32-vjeçari i dënuar me rreth 4 vite burg për grabitje
22 Nëntor, 21:34 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Itali/ Plagosi me kaçavidë dhe i grabiti 14 mijë euro pensionistit në banesë, arrestohet 34-vjeçari shqiptar! Në kërkim prek Korrikut 2023, e tradhtoi xhaketa
22 Nëntor, 20:59 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
