Pranverat kalojnë, por jeta e Ivan Perisic vazhdon të kryqëzohet me Bayern Munich. Gjigantët bavarezë tashmë ia kanë ndryshuar mendjen kroatit, i mësuan një karakter të fortë, urinë për fitore dhe artin delikat të arritjes së saj, pastaj lanë një lojtar 'të ri' të kthehej në Milano.

Tani që kroati është gati të mbushë 37 vjeç, vetë klubi gjerman mund ta ndihmojë Ivanin në përpjekjen e tij për një këngë romantike të fundit, në marrëveshje me Interin. Perisic do të donte një kërcim të fundit te Interi, ekipi që ndoshta e donte më shumë. Për t'u rikthyer, ai do të ishte i gatshëm të hiqte dorë nga një kontratë deri në vitin 2027 me PSV-në, kryesuesit e ligës holandeze.

Megjithatë, PSV ka një pikëpamje krejtësisht të ndryshme për këtë çështje. Ekipi i Peter Bosz, pasi e ka prekur 'me një dorë' titullin kampion në Holandë, 16 pikë më shumë se Feyenoord, po e konsideron arritjen në play-off-et e Ligës së Kampionëve një përparësi dhe nuk ka ndërmend të heqë dorë nga sulmuesi i krahut.

Aktualisht, pavarësisht humbjes në Newcastle, PSV ende ndodhet në vendin e 22-të në renditjen evropiane dhe fatet e tyre do vendosen të mërkurën e 29 janarit pasi në Eindhoven zbarkun Bayern Munich, klub me të cilin Perisic ka fituar Champions League.

Pra, fati ka përsëri një ndikim të madh në jetën e Perisic. Nëse bavarezët do të tregonin forcën e tyre në fushë dhe do të eliminonin rivalët, atëherë klubi holandez mund të rishqyrtojë pozicionin e tij dhe të ulet në tryezë me Interin për të lënë të lirë anësorin e sulmit.

Në pritje të ecurisë me pistën Perisic, Interi nuk ka hequr dorë nga kroatët. Klubi nga Milano ka bërë të vetin talentin 18-vjeçar të Dinamo Zagreb, Leon Jakirovic.

Qendërmbrojtësi i ri kroat, i lindur në vitin 2008, mbërriti në Milano të enjten në mbrëmje, i shoqëruar nga nëna dhe agjentët e tij. Zikaltërit e blenë nga Dinamo Zagreb për 2.5 milionë euro, plus të njëjtën shumë në bonuse dhe një interes prej 10% mbi çdo vlerë të ardhshme rishitjeje.

Të premten në mëngjes ai filloi vizitat mjekësore, të cilat do të pasohen nga nënshkrimi i një kontrate prej 5 vitesh e gjysmë. Një vit më parë, në moshën 17-vjeçare ai debutoi në Champions League në një fitore 2-1 kundër Milanit.