Komisioni i Vetingut ka vendosur dje të përjashtojë gjyqtarin e Tiranës Arjan Aliaj me 15 vjet nga e drejta për t’u bërë pjesë e sistemit të drejtësisë. Vendimi është rrjedhojë i një lëvizje taktike të gjyqtarit Aliaj, i cili në 18 maj 2022 ka paraqitur dorëheqjen pranë Këshillit të Lartë të Drejtësisë, dorëheqje e cila është miratuar nga KLGJ. Procesi i Vetingut për gjyqtarin Aliaj kishte nisur që në dhjetor të vitit 2019. Pas më shumë se dy vitesh në proces Vetingu, gjyqtari ka dhënë dorëheqjen, duke evituar kësisoj zbulimin e rezultateve në seancë dëgjimore në KPK.
Arjan Aliaj është një emër i njohur në sistemin e drejtësisë. Aliaj u kthye në mollë sherri mes gjyqësorit dhe qeverisë në vitin 2016, për shkak se firmosi pezullimin nga detyra të ish Drejtorit të Përgjithshëm të Policisë së Shtetit, Haki Çako, për çështjen e pajisjes së paautorizuar të përgjimit. Kryeministri Edi Rama e konsideroi gjyqtarin si killer me pagesë dhe të korruptuar. “Ky killer me pagesë apo me flamur partie i drejtësisë ka liruar nga burgu të paktën 7 herë njerëz të dënuar për vepra të rënda penale; vrasje, përdhunime, grabitje me armë...”, shkruante Rama. Gjykata e Tiranës reagoi pas akuzave, duke theksuar se po denigrohej një gjyqtar korrekt që është rikthyer në detyrë pas një vendimi të Gjykatës Kushtetuese. Edhe Unioni i Gjyqtarëve e quajti të paprecedentë deklaratat e kryeministri dhe ish ministrit të Brendshëm.
Gjyqtari Arjan Aliaj është shkarkuar nga detyra në 20 dhjetor të vitit 2000, për shkelje të rënda në detyrë. Por, vendimi i shkarkimit u shfuqizua si antikushtetues më 2 prill 2003 nga Gjykata Kushtetuese. KLD-ja e kryesuar nga ish-presidenti Bamir Topi, më datë 2 dhjetor të vitit 2009, e ktheu në detyrë gjyqtarin Aliaj.
Në korrik të vitit 2016, Sektori Kundër Krimit Ekonomik në Policinë e Shtetit nisi një hetim për gjyqtarin Arjan Aliaj, për veprat penale të “Fshehjes së të ardhurave”, “Mosdeklarim të pasurisë”, “Evazion fiskal, “Pastrim parash” dhe “Korrupsion”. Në fokus të hetimit ishte një vilë trekatëshe e gjyqtarit në Tiranë. Vila Ka qenë më parë pronë e vëllait të tij, më pas të motrës dhe se fundmi e bashkëshortes së gjyqtarit. Për fatin e hetimeve nuk pati më të dhënë në vijim.
Pasi u shkarkua nga KLD-ja në vitin 2000, Arjan Aliaj nisi të punojë si avokat. Kur u rikthye në detyrë në vitin 2009, Aliaj ka deklaruar 10 mijë euro dhuratë nga babai i tij, ndërsa bashkëshortja e tij ka deklaruar 20 mijë USD nga babai i saj.
Aliaj deklaron gjithashtu një apartament në Tiranë me sipërfaqe 103 m2, ndërtuar në vitin 2004 dhe deklaruar 2 milionë lekë, Mercedez Benz, 8.7 mijë euro, ndërsa bashkëshortja 1/3 e shtëpisë 150 m2, trashëguar nga babai me vlerë 70 mijë euro,1/6 e një shtëpie dykatëshe 180 m2 dhe 1/2 e një shtëpie trekatëshe 300 m2, fituar në bazë të një kontrate dhurimi.
Lajme të tjera
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Pastruan 11 mln euro përmes kompanive fiktive, i sillnin nga parajsat fiskale, Gjykata cakton 'arrest në burg' për Darin Gezdarin dhe 'arrest shtëpie' Arlinda Markut
23 Dhjetor, 09:48
-
Do të shpërndahen mbi 20 mijë libra artistikë për bibliotekat shkollore, Rama: S’ka dhuratë më të bukur në këtë prag festash
23 Dhjetor, 08:38 -
Mbyllja e TikTok në Shqipëri/ The Telegraph: Ndalimi i parë i këtij lloji në Europë
23 Dhjetor, 08:18 -
Ndalimi i Tik Tok-ut, Rama i përgjigjet kompanisë kineze: Në Shqipëri vendosin shqiptarët jo pronarët e algoritmit! S' ka pse kërkon sqarime, mbrojmë fëmijët
22 Dhjetor, 17:12 -
Zhupa: Vrasjen e paramenduar të Ramës kundër Tik Tok për arsye elektorale nuk do ta lejojmë
22 Dhjetor, 12:52
