Përkeqësohet shëndeti i legjendës së futbollit, familjarët e Pele-s kalojnë kalojnë Krishtlindjet me të në spital

Anëtarët e familjes kaluan Krishtlindjet të dielën me Pelen në spitalin e Sao Paulos, ku futbollisti legjendar po lufton me kancerin, si dhe problemet me veshkat dhe zemrën, sipas postimeve në mediat sociale nga fëmijët e tij.

Tifozët e lojtarit, i konsideruar nga shumë si më i madhi i të gjitha kohërave, kanë shprehur shpresë për rikuperimin e tij që kur u shtrua në spital në nëntor.

"Një natë më shumë me të," postoi vajza e Pele, Kely Nascimento në Instagram të dielën së bashku me një foto të vëllezërve dhe motrave dhe të afërmve të tjerë të mbledhur në spitalin Albert Einstein.

Mesazhi ishte i njëjtë me atë që ajo postoi të premten, duke numëruar orët e mbetura me të atin.

“Edhe në trishtim ne duhet të jemi mirënjohës”, tha ajo. "Të jem mirënjohës që jemi bashkë, të jem mirënjohës për dashurinë e të gjithëve, të jem mirënjohës që je tani këtu me të. Gëzuar Krishtlindjet."

Në foto ishin të dukshëm edhe fëmijët e Peles, Flavia, Celeste, Edinho dhe Joshua, si dhe Gemima McMahon, vajza e njërës prej grave të tij.

B.V/Shqiptarja.com

TAG:
• Brazil
• pele