BERAT- Ditën e sotme është përkujtuar 20 vjetori i rënies në krye të detyrës të dëshmorit Arben Zylyftari. Në këtë ceremoni morën pjesë drejtori i Policisë së Shtetit, Ardi Veliu, familjarë të dëshmorit, nënkryetari i Bashkisë së Beratit Luçiano Bojaxhiu, drejtori i Policisë së Beratit si dhe miq të dëshmorit.
Si sot 20 vite më parë, një nga oficerët e Policisë së Shtetit, drejtoi operacionin policor për kapjen e një autori me veprimtari të rrezikshme kriminale dhe fatkeqësisht, gjatë kryerjes së operacionit, dora kriminale i mori jetën Arbenit. Gjatë fjalës së tij, drejtori i Policisë së Shtetit, Ardi Veliu tha se nuk ka kurajo më të madhe për punonjësit e Policisë së Shtetit, shembull më të fortë se ai i Arbenit, për ta bërë Shqipërinë vend më të drejtë.
"E kam të vështirë të flas për një oficer policie që ka humbur jetën në krye të detyrës në përballje me krimin, por e kam akoma edhe më të vështirë kur këto fjalë duhet t'i them për një nga miqtë me të cilin punova afër për një vit në Vlorë. Rënia e tij në krye të detyrës ka lënë gjurmë të forta tek unë. Zakoni e do që të thuhen fjalë të mira për atë që ikën nga kjo botë. Por Arbeni e kishte shkruar vetë respektin, mirënjohjen dhe dinjitetin në çdo ditë të detyrës së tij, me peshën e misionit që mbante mbi supe",- tha Ardi Veliu.
Më tej drejtori i Policisë së Shtetit tha se të gjithë janë me sytë nga drejtësia e re.
"Arben Zylyftari dhe qindra dëshmorë të Policisë sakrifikuan jetën për vlera dhe parime, për drejtësi, rend e siguri për qytetarët, por fatkeqësisht këto 3 dekada, dora e pabesë që u ngrit mbi ty Arben ka më shumë se 3 dekada që përpiqet të sfidojë shtetin, ligjin e drejtësinë dhe drejtësia e vjetër rrallë u ka dhënë dënimin e merituar. Të gjithë sot jemi me sytë nga drejtësia e re",- deklaroi Veliu.
Në përfundim të fjalës së tij, Veliu tha se Policia e Shtetit po përballet me sfida të reja, për të ndërtuar një shqipëri më të mirë për fëmijët tanë.
"Nuk ka kurajo më të madhe për punonjësit e Policisë së Shtetit, shembull më të fortë se ai i Arbenit, për ta bërë Shqipërinë vend më të drejtë. Sot Policia e Shtetit përballet me sfida të reja, për të ndërtuar një Shqipëri më të mirë për fëmijët tanë, për Enin dhe Francin, për një Shqipëri më të sigurt, për atë që ai dha jetën. Sfidat nuk na dobësojnë, por na ndriçojnë rrugën që duhet të ndjekim. Ndaj sot përulemi me respekt e mirënjohje të thellë, me premtimin se nuk do të reshtim kurrë së vëni para drejtësisë shkelësit e ligjit", përfundoi Ardi Veliu.
Më pas janë vendosur kurora me lule pranë bustit të heroit Arben Zylyftari si dhe një koncert për nder të tij.
Lajme të tjera
-
Si u bë mandarina e Hingës ‘e famshme’ në tregjet e Ballkanit! Fermerët e kthyer nga Greqia prodhojnë mbi 1300 ton në vit, por s’kanë punëtorë
23 Nëntor, 13:38
-
Berat/ Shisnin vajra të përzierë për vaj ulliri bio pasi i reklamonin në rrjetet sociale, arrestohet 56 vjeçari, në kërkim i biri! Policia: Produktet e përdorura, ende të panjohura!
23 Nëntor, 10:24 -
Babai i Uzunit fjalë të ashpra kundër Sylvinhos: S'ia vlerësuan djersën e sakrificën, as këpucët nuk ia morën në transfertë! Ata i fshinë emrin nga Euro 24
22 Nëntor, 14:26 -
Fronëzohet Mitropoliti i Beratit, Vlorës dhe Kaninës, Imzot Asti! Ceremonia u krye në Katedralen 'Shën Dhimitri' në drejtimin e Kryepiskopit Anastas dhe pjesëmarrjen e besimtarëve të shumtë (VIDEO)
21 Nëntor, 18:04 -
Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit
17 Nëntor, 20:39 -
Media spanjolle 'La Vanguardia': Zbuloni Beratin, qytetin përrallor në Shqipëri
15 Nëntor, 09:22 -
Zgjidhet Mitropoliti i ri i Beratit, Vlorës dhe Kaninës! Fronëzimi kryhet javën e ardhshme
14 Nëntor, 15:32 -
Zyrtari i lartë i Policisë favorizonte subjekte private për evazion fiskal, si u zbulua skema
12 Nëntor, 14:14
-
Nisin hetimet për zyrtarin e lartë të policisë! Zbulohen mesazhet për të favorizuar subjekte private për fshehje të ardhurash dhe evazion fiskal
11 Nëntor, 18:04
-
Rrëmbyen e dogjën të gjallë dy të rinj në ’97, Prokuroria e Beratit kërkon 25 vite burg për ekzekutorin! Bashkë me anëtarët e bandës së Vakëfit i lidhën me tela me gjemba e i tërhoqën zvarrë trupat në qytet
9 Nëntor, 12:48 -
Abuzimi me çmimet në tregun e grumbullimit të fruta-perimeve, Autoriteti i Konkurrencës hap hetim të thelluar në 5 qarqe! Verifikim periudhës 2023-2024
7 Nëntor, 11:57 -
Zbulohet skema e mashtrimit/ 48-vjeçari hiqej si prokuror i SPAK në Kadastrën e Beratit! U zhvaste para qytetarëve për t’u ‘zgjidhur’ problemet me pronat
7 Nëntor, 10:49
