POP 5

Lajmet më të lexuara të 5 minutave të fundit

Sport

Përmbyset optimizmi për rifillimin e Seria A, shefi i infektivit në Itali: Unë nuk e jap konfirmimin, futbolli favorizon përhapjen e COVID-19

Në Itali shefi i departamentit të sëmundjeve infektive ka përmbysur optimizmin që ekzistonte për rifillimin e shpejtë të Seria A. Ai ka deklaruar se futbolli favorizon përhapjen e koronavirusit dhe për këtë arsye si ai ashtu edhe komiteti shkencor nuk do të japin rekomandimin për rifillimin e kampionatit.

Përmbyset optimizmi për rifillimin e Seria A, shefi i infektivit në Itali: Unë nuk e jap konfirmimin, futbolli favorizon përhapjen e COVID-19

Një ditë pas lajmeve pozitive se Seria A mund të rinisë më 27 maj vjen një tjetër lajm që përmbys gjithçka. Këtë herë jo nga aktorët e futbollit, por nga sistemi i shëndetësisë në Itali, vendit më të prekur në Europë nga koronavirusi. Shefi i Departamentit të Sëmundjeve Infektive në Itali, Giovanni Rezza, ka deklaruar se në kushtet ku ndodhi vendi është e pamundur për të menduar fillimin e sezonit.

Për mediat italiane Rezza ka deklaruar se futbolli është sport kontakti dhe rrit ndjeshëm mundësinë  e infektimit, ndaj do të ishte e vështirë që të miratohej rifillimi i ndeshjeve në një kohë të shpejtë.

“Futbolli është një sport kontakti dhe do të rriste ndjeshëm rrezikun e transmetimit. Kam parë disa protokolle shëndetësore të veçanta, por më duket herët për të menduar për këtë. Unë nuk do të jepja miratimin për rifillimin e kampionatit kaq shpejt dhe besoj se të njëjtin mendim ndan edhe Komiteti Shkencor, por në fund vendimin do ta marrë politika,”- deklaroi Rezza.

Kjo deklaratë ka shkaktuar menjëherë reagimin e klubit të Lazio-s, që këmbëngul për rifillimin e kampionatit, duke patur parasysh faktin që këtë sezon janë në luftë bindshëm për titull. Shefi i komunikimit publik të Lazio-s i ka sugjeruar Rezza-s që më mirë të merret me kërkimet për gjetjen e vaksinës se sa mend për futbollin.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lezhë, shtëpia muze e ‘Mlikjave’ rrezikon që të shembet

Lezhë, shtëpia muze e ‘Mlikjave’ rrezikon që të shembet

24 Nëntor, 18:30