Përmbytjet me 11 viktima në Itali, vijojnë kërkimet për 2 të zhdukurit, mes tyre edhe një 8-vjeçar! Era e fortë 'merr me vete' anijen me 800 anëtarë në bord

Një situatë e pazakontë është regjistruar në Itali, ku si pasojë e motit të keq, anija e lundrimit "Viking Sea"  e cila po ankorohet si gjithmonë në port, si pasojë e erës së fortë që ka shkuar deri në 100 km/h ka lëvizur pozicion.  

Era e fortë e ka larguar nga kalata dhe është dashur të kryhet një ndërhyrje e përbashkët dhe e jashtëzakonshme nga Kapiteneria dhe teknikët detarë për ta bërë të sigurt. Mediat italiane shkruajnë se për të kuptuar se sa të vrullshme ishin erërat, thjesht mendoni për peshën,  48 mijë tonë dhe gjatësinë 227 metra të anijes. Gjatë operacioneve të rikuperimit nga disa rimorkiatorë, në bordin e anijes ndodheshin 800 pasagjerë. Shumë frikë, por pa dëmtime si për varkën ashtu edhe për njerëzit.

Në një shënim, porti i Ravenës ka falënderuar stafin.

“Një falenderim i përzemërt shkon për Autoritetin Portual, për pilotët, për pilotët e rimorkiatorëve dhe ankorimeve për reagimin e menjëhershëm të dhënë, duke mundësuar përballimin e një situate krejtësisht të jashtëzakonshme me siguri dhe shpejtësi. Faleminderit gjithashtu operatorit të terminalit dhe gjithë komunitetit të portit që kuptuan vështirësitë e krijuara për portin dhe për anijen e ankoruar në terminalin e pasagjerëve, për shkak të këtyre kushteve të jashtëzakonshme atmosferike”, shkruhet në shënim.

Një nga 3 të zhdukurit në Itali si pasojë e motit të keq është gjetur si rezultat i orëve të tëra kërkime. Mediat italiane raportojnë se është gjetur trupi i pajetë, i cili mendohet të jetë 47-vjeçari nga Acervia, makina e të cilit u fjet të premten në lumin Misa. Ndërkohë, vijon të jetë i zhdukur Maia 8-vjeç dhe Brunella Chiù 56 vjeçe, e cila ishte në makinë me vajzën e saj.