POP 5

Lajmet më të lexuara të 5 minutave të fundit

Bota

Përmbytjet në Itali, mbi 5 mijë operacione në Emilia Romagna! Rajoni me pasoja apokaliptike, Meloni: Qeveria është këtu t’ju mbështesë

Ekipet e emergjencës po vijojnë operacionet në Emilia Romania, të goditur nga përmbytjet e javës që shkoi. Deri tani janë kryer mbi 5 mijë ndërhyrje për t’u ardhur në ndihmë banorëve të zonave, ndërsa të angazhuar në terren janë  879 punonjës të shërbimit zjarrfikës. Kryeministrja Giorgia Meloni që vizitoi Emilia Romagnën premtoi mbështetje për të kaluar situatën e vështirë.

Rajoni i Emilia Romagnas në Itali po vuan pasojat katastrofike që lanë pas përmbytjet e javës që shkoi, si pasojë e të cilave humbën jetën 14 persona. Mediat italiane raportojnë se përgjatë ditëve të emergjencës ekipet e emergjencës kanë kryer 5 mijë ndërhyrje për t;ju ardhur në ndihmë njerëzve në nevojë. Aktualisht në rajonin e prekur janë të angazhuar në terren 879 punonjës të shërbimit zjarrfikës të angazhuar në Emilia Romagna, ku shumica e tyre janë përqendruar në Forli dhe ravena që mbeten ende në situatë kritike, dhe janë më të goditurat.     

Në Forli banorët e një pallati u evakuuan, për të krijuar një dalje në autostradë. Megjithatë autoritetet sugjerojnë që të shmanget lëvizja me makina në provincën e Forlisë.  Po ashtu edhe në Cesena e ravena lëvizja në rrugë është e pamundur për shkak se ka ende ujë dhe baltë. Por policia bën thirrje që të shmanget lëvizja e makinave, për t’u lënë rrugë të lirë mjeteve të emergjencës që lëvizin në zonë.  

Pas kthimit nga samiti i G7 në Japoni, kryeministrja Giorgia Meloni vizitoi zonën e shkatërruar mes Ravennës, Forlisë dhe Faenzës dhe premtoi përgjigje të menjëhershme. “Qeveria është këtu. Ishte një tragjedi, por është një rast për të rilindur edhe më të fortë” tha Meloni nga Emilia Romagna. Ajo përjashtoi vënien në dispozicion të fondeve të emergjencës, edhe pse u shpreh se ishte e ndërgjegjshme se duhen shumë fonde për të riparuar dëmet. 

Sipas përllogaritjeve të deritanishme dëmet nga përmbytjet në Itali përllogariten deri në 5 miliardë euro. Përveç dëmeve të mëdha në të mbjella në sektorin bujqësor, pasojat janë të shumta në rrugët e bllokuara dhe urat e shembura, magazinat e përmbytura, makineritë e dëmtuara, dhe hotelet që kanë pësuar anulime për prenotimet e regjistruara.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Zjarret në Los Angeles, reportazhi i ‘La Repubblica’ nga ferri i Pacific Palisades! Dëme në rrjetin elektrik dhe hidrante jashtë funksionit

Zjarret në Los Angeles, reportazhi i ‘La Repubblica’ nga ferri i Pacific Palisades! Dëme në rrjetin elektrik dhe hidrante jashtë funksionit

11 Janar, 09:31 nga Paolo Mastrolilli