Përmbytjet në Slloveni, Osmani: Kosova gati të japë ndihmë

Presidentja e Kosovës, Vjosa Osmani i ka shprehur ngushëllimet homologen e saj sllovene, Natasa Pirc Musar, për viktimat që shkaktuan përmbytjet në Slloveni.  Osmani tha se Kosova është e gatshme që ta ndihmojë Slloveninë për të kapërcyer këtë situatë të vështirë.

“Ngushëllime të sinqerta Presidentes Musar dhe popullit të Sllovenisë për viktimat dhe dëmet e shkaktuara nga përmbytjet dhe rrëshqitjet vdekjeprurëse të dheut. Kosova është e gatshme të ndihmojë miqtë dhe aleatët tanë sllovenë për të kapërcyer këto kohë zemërthyese”, ka shkruar Osmani në Twitter.

Kësaj gatishmërie të Kosovës i është përgjigjur presidentja sllovene, e cila rishpërndau postimin e Osmanit.

“Faleminderit, zonja Presidente”, shkroi ajo.

Lajmi kryesor:

Përmbytje masive në Slloveni, 3 persona humbin jetën! Begaj telefonatë me homologen: Lutjet tona shkojnë për ju shkojnë për popullin tuaj

SI.E./Shqiptarja.com

TAG:
• moti i keq
• permbytje
• Slloveni