E dielë 'e zezë', 6 aksidente, humbin jetën 4 persona! Makina përplaset me minibusin në Elbasan, plagosen 7 qytetarë, ndërron jetë një tjetër

Një viktimë u shënua nga aksidenti i mbrëmjes së sotme në Elbasan.

Pasagjeri i mjetit tip "Volkswagen" Kledis Deda nuk arriti dot t'i bëjë ballë plagëve të marra.

Policia e Shtetit ka njoftuar se nga aksidenti mbrëmjen e sotme janë plagosur 7 persona.

5 prej të plagosurve janë pasagjerët e furgonit, ndërsa 2 të tjerët janë drejtuesja dhe një pasagjer i makinës tip "Volksëagen".

"Si pasojë e përplasjes  janë plagosur 5 persona pasagjerë të minibuzit  të cilët janë transportuar në spital të Elbasanit, dhe ndodhen jashtë rrezikut për jetën. Po si pasojë e përplasjes janë plagosur drejtuesja e mjetit të "Volkswagen"  shtetasja F.B., dhe pasagjeri shtetasi K.D.,   ndodhen nën kujdesin e mjekëve" - njofton policia.

Grupi hetimor ndodhet në  vendngjarje dhe vijon punën për zbardhjen  e shkakut të aksidentit.

Një aksident i rëndë ndodhi pasditen e kësaj të diele (3 janar) me pasojë vdekjen e një 27-vjeçari. Ngjarja ndodhi në orën 15:20 në fshatin Gjormë, Vlorë ku makina me drejtuesin Akil Ruçi doli nga rruga.

Drejtuesi i makinës u dërgua menjëherë në spital por nuk arriti t'i mbijetojë plagëve të marra. Automjeti tip 'Ford Fiesta' ka dalë nga rruga dhe është shkatërruar në pjesën e përparme ku ka dëme të shumta dhe tek pjesa e shoferit.

Me ndihmën e karotrecit është bërë e mundur lëvizja e automjetit pasi ka qenë i përmbysur në momentin e aksidentit e më pas është transportuar drejt Vlorës.

"Më datë 03.01.2021, rreth orës 15:20, në fshatin Gjormë, Vlorë, një automjet me drejtues shtetasin A. R., ka humbur kontrollin dhe ka dalë nga rruga" - njofton policia.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.

Ky është aksidenti i tretë me pasojë vdekjen e një personi gjatë ditës së sotme. Kujtojmë që një tjetër aksident i rëndë u regjistrua në orët e para të mëngjesit të sotëm në superstradën Lezhë-Milot.

Nga ky aksident humbi jetën Denis Dedgjonaj, 24 vjeç dhe mbeti i plagosur Ndue Pjetri. Makina me të cilën udhëtonin ata doli nga rruga dhe përfundoi në një biznes. Gjithashtu dhe në Këlcyrë humbi jetën një 62-vjeçar i cili po udhëtonte me biçikletë teksa një makinë e ka përplasur.

Ngjarja e rëndë ndodhi në orën 07:00 në afërsi të fshatit Kutal. Policia ka shoqëruar drejtuesin e makinës në komisariat për sqarimin e plotë të ngjarjes.

LAÇ - Një makinë është përfshirë nga flakët pasditen e sotme (3 janar) në autostradën Milot-Mamurras.

Mësohet se automjeti është përplasur me trafikndarësen dhe më pas është përfshirë nga flakët vetëm 2 km larg mbikalimit të Laçit.

Si pasojë e këtij aksidenti ka mbetur i plagosur drejtuesi i mjetit me iniciale E.L. 37 vjeç, i cili është tansportuar menjëherë në spitalin e Traumës në Tiranë.

Gjithashtu ka mbetur i plagosur dhe pasagjeri me iniciale L.C. i cili u dërgua në spitalin rajonal të Lezhës.

Zjarrëfikësja ka mbërritur menjëherë në vendngjarje dhe ka bërë të mundur shuarjen e flakëve.

Policia ka shkuar në vendngjarje për të bërë të mundur zbardhjen e plotë të rrethanave të këtij aksidenti.

Një aksident automobilistik ka ndodhur gjatë paradites së sotme pranë tunelit Tiranë-Elbasan. Një makinë tip “Range Rover” i kuq ka humbur kontrollin dhe është përplasur me trafikndarësen duke hipur sipër saj. Fatmirësisht nga aksidenti nuk ka të lënduar.

Një aksident me pasojë vdekjen e një personi ka ndodhur në aksin Këlcyrë-Përmet gjatë mëngjesit të sotëm. 

Një makinë tip "Renault" me drejtues shtetasin M. Sh., 44 vjeç, banues në Këlcyrë ka goditur shtetasin Zh. K., 62 vjeç, banues në fshatin Kutal, Përmet, i cili udhëtonte me biçikletë, i cili humbi jetën.

Ngjarja e rëndë ndodhi në orën 07:00 në afërsi të fshatit Kutal. Policia ka shoqëruar drejtuesin e makinës në komisariat për sqarimin e plotë të ngjarjes.

Një i vdekur dhe një i plagosur është bilanci i një aksidenti të ndodhur rreth orës 3:00 të mëngjesit të së dielës në superstradën Lezhë-Milot, pranë rreth rrotullimit të Ishull-Shëngjinit.

Një automjet tip 'Benz' me targa AA 285 VK  në të cilin udhëtonin dy persona doli nga rruga dhe përfundoi pranë një biznesi aty pranë. Nga aksidenti gjeti vdekjen e menjëhershme drejtuesi i mjetit Denis Dedgjonaj 24 vjeç nga Lezha si dhe i plagos rëndë pasagjeri Ndue Pjetri.

I plagosuri u dërgua në spitalin e Traumës në Tiranë, ku pasi mori ndihmën e parë mjekësore mësohet se ndodhet jashtë rrezikut për jetën.

Policia mbërriti menjëherë në vendin e ngjarje nisi hetimet për zbardhjen e shkaqeve të këtij aksidenti, teksa nga të dhënat paraprake dyshohet se shpejtësia dhe përgjumja e drejtuesit të automjetit është bërë shkak për aksidentin tragjik.

Ky është aksidenti i dyte që ndodh në harkon kohor të 2 ditëve me bilanc 1 të vdekur dhe 3 të plagosur.

Mjeti tip 'Benz' që doli nga rruga