POP 5

Lajmet më të lexuara të 5 minutave të fundit

Kronikë

Përplasi foshnjën dhe prindërit te rruga Kavajës, flet Sulejmani: Nuk pata qëllim të ikja, kisha vajzën e mitur në makinë, ishim traumatizuar

Report Tv ka zbardhur dëshminë e Sulejmanit, i cili ka thënë se nuk kishte qëllim që të largohej, por kishte vajzën e mitur në makinë dhe se ishte i traumatizuar.

Masa për 39-vjeçarin Ajas Sulejmani, i cili përplasi me makinë çiftin Konomi dhe foshnjën e tyre 3 muajshe, teksa po kalonin në vijat e bardha, do të merret nesër, nga gjykata e Tiranës.

Prokuroria ka kërkuar ‘arrest me burg’ për 39-vjeçarin, ndërsa do të përballet me një sërë akuzash ai shkelje e rregullave të qarkullimit me pasojë, drejtim te automjeteve në mënyre te parregullt nën ndikimin e drogës si dhe largim nga vendi i aksidentit.

Gazetari i Report Tv Arsen Rusta ka zbardhur dëshminë e Sulejmanit, i cili ka thënë se nuk kishte qëllim që të largohej, por kishte vajzën e mitur në makinë dhe se ishte i traumatizuar.

‘Në lidhje me largimin nga vendi i aksidentit deklaroj se nuk kam pasur qëllim të iki, por duke qenë se ishte vajza ime e mitur u largova sepse kisha dhe vajzën time pesë vjeçare dhe bashkë me të kam shkuar në spitalin Hygea pasi vajza ime dhe unë ishim të traumatizuar nga ky aksident.'- ka deklaruar ai.

Ajas Sulejmani, me G-CLASS-in e tij të zi kaloi me semafor të kuq dhe përplasi çiftin Vilma dhe Arjan Konomi në viza të bardha teksa me vete kishin edhe një foshnje 3 muajshe, e cila shpëtoi fatmirësisht pa asnjë lëndim. Gjendja shëndetësore e bashkëshortëve Vilma e Arjan Konomi paraqitet e qëndrueshme, ndërsa kanë dalë tashmë nga trajtimi intensiv.

Sulejmani, nuk është një emër i panjohur për policinë, si brenda vendit ashtu edhe jashtë vendit. Drejtuesi i makinës luksoze me targa të gjermane, është shoqëruar tre javë më parë në ambientet e Komisariatit Rajonal të Policisë Rrugore Tiranë, po me këtë automjet, për verifikim nga strukturat e Trafiqeve të Paligjshme në Drejtorinë Vendore të Policisë Tiranë, dhe pasi është verifikuar, është proceduar për shkeljen e dispozitave të Kodit Rrugor.

Sulejmani ka qenë i shpallur në kërkim në vitin 2014 nga autoritetet amerikane, pasi akuzohej për trafikim të lëndëve narkotike. Ende nuk dihet nëse Sulejmani e ka mbyllur këtë çështje me drejtësinë amerikane.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Genci: 10/05/2022 13:41

    Ore ti e kishe per detyre qytetari t'ju jepje ndihmen e pare dhe te mos vazhdoje shkeljet e rregullave. Nese vajza jote u demtua, prape gabimi yt sepse i mbani femijet leshuar ne makine pa rrip sigurimi. Kerko falje, paguaj rikuperimin shendetsor te te demtuareve, lutju zotit qe nuk perfundoi me tragjedi dhe bej 5 vjet burg me ligj. Do dalesh e do fillosh avazet, dihet.

    Përgjigju
    • Bragjini: 10/05/2022 16:04

      Nga ato qe shkruan me larte vetem vajtjen ne xhami do te beje ai

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Rama për protestën para takimit në Londër: Të nxitur nga të verbërit në Tiranë! Ish-ministrja e Brendshme quajti shqiptarët pushtues

Rama për protestën para takimit në Londër: Të nxitur nga të verbërit në Tiranë! Ish-ministrja e Brendshme quajti shqiptarët pushtues

24 Nëntor, 13:47