Tërhoqi zvarrë me makinë 21-vjeçaren greke në Selanik, autori shqiptar: Dua të flas me prindërit e saj, u largova se kisha frikë

Tërhoqi zvarrë me makinë 21-vjeçaren greke në Selanik, autori shqiptar: Dua të flas me prindërit e saj, u largova se kisha frikë

Autori shqiptar dhe vendi i ngjarjes

GREQI- Autori 26-vjeçar me origjinë shqiptare i cili përplasi me makinë 21-vjeçaren greke në Selanik, ka kërkuar të flasë me familjen e viktimës, raportojnë mediat e huaja.

I pandehuri i cili jetonte në Greqi në mënyrë të paligjshme është proceduar nga prokurori për drejtim mjeti të rrezikshëm me pasojë vdekjen, ka dhënë një deklaratë për tre orë të tëra pranë Policisë Rrugore të Selanikut.

Sipas informacioneve ai ka pohuar se nuk ka pasur qëllim të godasë studenten 21-vjeçare, por ishte larguar nga vendi i ngjarjes pasi kishte frikë pasi kishte precedentë penal.

Ai këmbënguli në pretendimin e tij se studentja 21-vjeçare u hodh papritur në rrugë dhe e tërhoqi zvarrë, duke thënë në thelb se ajo ishte fajtore për aksidentin, ndërsa mohoi se ai ishte kthyer mbrapsht duke e përplasur.

“Nuk vrapova, por humba kontrollin e makinës. Nuk jam kthyer mbrapsht, jam larguar se kam qenë i frikësuar”, tha ai.

“Ai do të donte të fliste me prindërit e 21-vjeçares”, ka thënë avokati i tij, duke cituar fjalët e 26-vjeçarit.

Avokati i 26-vjeçarit, Paraskevas Spyratos tha: “Lajmi fatkeq, zgjodhi të kalojë një pikë ku nuk kishte vendkalim për këmbësorë, ndërkohë që ekziston në një distancë prej 20 metrash nga vendi i aksidentit. Këmbësori është hedhur me shpejtësi në rrugë. Klienti im u përpoq të frenonte, u përpoq të manovronte për ta shmangur atë dhe bëri atë që mund të bënte secili prej nesh."

Autori shqiptar u vetëdorëzua ditën e djeshme në autoritetet e Selanikut. 

Policia bën me dije se 26-vjeçari shqiptar ka qenë nën hetim nga policia greke për përfshirjen e tij në trafikun e drogës.

Dyshohet se në momentin që ka ndodhur aksidenti, i riu shqiptar ka qenë në makinë me një tjetër vajzë. I pyetur nga policia nëse vajza që ndodhej me shqiptarin në makinë ishte rëmbyer nga ky i fundit, pronari i makinës e mohoi një pretendim të tillë.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se Samiti i BE në Tiranë do përshpejtojë integrimin?



×

Lajmi i fundit

Ministria serbe e Drejtësisë: Artan Zymberi refuzoi të trajtohet për një sëmundje

Ministria serbe e Drejtësisë: Artan Zymberi refuzoi të trajtohet për një sëmundje