Përplasje me armë te Komuna
e Parisit, një i plagosur 

Përplasje me armë te Komuna<br />e Parisit, një i plagosur 
TIRANE- Një person është plagosur pas një shkëmbimi me armë zjarri te kryqëzimi i Komunës së Parisit mbrëmjen e të enjtes rreth orës 19:30.
 
I plagosuri është 24-vjeçari Lorenc V. Hoxha nga Bulqiza, i cili njihej me emrin Lenci, ndërsa është dërguar në spital dhe ndodhet në spital nën kujdesin e mjekëve.
 
Nga të dhënat e para mësohet se 24-vjeçari ka marrë dy plumba në shpatull nga shkëmbimi i zjarrit.
 
Në momentin që janë qëlluar me armë, Hoxha ka qenë në makinë së bashku me një tjetër person, i cili nuk është plagosur.
 
Pas shkëmbimit të zjarrit Hoxha me shokun e tij kanë dalë nga makina dhe janë larguar me shpejtësi nga vendi i ngjarjes. 

Autorët pritë në ‘tunel’ të riut, e qëlluan dy herë
Lorenc Hoxha dhe shoku i tij ishin duke udhëtuar me makinën tip ‘Benz’ me targa AA 777 RT në pronësi të Xhevdet Hoxhës, kur janë zënë në pritë në një ‘tunel’ poshtë një pallati. 
 
Sipas policisë së kryeqytetit ka pasur një përplasje me armë zjarri mes makinave, pra Hoxha dhe shoku i tij i janë përgjigjur shkëmbimit të zjarrit.
 
Autorët mësohet se kanë qenë dy dhe janë larguar me shpejtësi. Nga të shtënat me armë zjarri fatmirësisht nuk ka pasur qytetarë të lënduar, pasi ngjarja ka ndodhur në një moment kur në rrugë kishte shumë lëvizje. 

Policia deklaron se janë ngritur pika kontrolli në hyrje-dalje të qytetit dhe vazhdon krehja e zonës. Grupi hetimor po punon për identifikimin dhe kapjen e autorëve dhe zbardhjen e plotë të rrethanave të ngjarjes.
atentat komuna parisit
Në foto me rreth të kuq makina që është qëlluar me armë zjarri te Komuna e Parisit

Lenci Hoxha
[gallery]23358[/gallery]

I plagosuri Lorenc Hoxha

[gallery]23356[/gallery]  FOTOGALERI


  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

‘Për pak sa s’më ndaloi zemra kur u bë goli’ tifozët shqiptarë flasin për Report tv pas ndeshjes: S’kemi pse dorëzohemi

‘Për pak sa s’më ndaloi zemra kur u bë goli’ tifozët shqiptarë flasin për Report tv pas ndeshjes: S’kemi pse dorëzohemi