Ushtarë indianë dhe kinezë përplasen fizikisht në kufirin e diskutueshëm midis 2 vendeve! India fajëson Kinën për ndryshim të 'statusquo-së', Kina s'e pranon incidentin

Një përplasje fizike midis ushtarëve indianë dhe atyre kinezë në kufirin e diskutueshëm të Himajeve është regjistruar sot. Ky është ncidenti i parë në gati dy vjet. Sipas mediave të huaja incidenti ndodhi të premten në Taëang, në territorin verilindor të Indisë të Arunachal Pradesh, një rajon i largët dhe jomikpritës që kufizohet me Kinën jugore.

Kufiri i diskutueshëm 2,100 milje (3,379 kilometra) ka qenë prej kohësh burimi i debateve  midis Nju Delhit dhe Pekinit, me tensionet që u përshkallëzuan ndjeshëm në qershor 2020 kur luftimet midis dy palëve rezultuan në vdekjen e të paktën 20 ushtarë indianë dhe katër kinezë në Aksai Chin-Ladakh.

Në një diskutim me të tjerë zyrtarë, Ministri i Mbrojtjes së Indisë Rajnath Singh akuzoi trupat e Ushtrisë Çlirimtare Popullore të Kinës (PLA) se po përpiqen të ndryshojnë "në mënyrë të njëanshme" status quo-në duke u përpjekur të kalojnë vijën e kontrollit aktual (LAC) - kufirin de facto të dy vendeve.

“Përballja që pasoi çoi në një përleshje fizike në të cilën ushtria indiane me guxim parandaloi PLA-në që të kalonte në territorin tonë dhe i detyroi ata të ktheheshin në postet e tyre”, tha Singh, duke shtuar se nuk kishte lëndime serioze nga ana indiane.

Në deklaratën e saj të mëparshme, Ministria e Mbrojtjes indiane tha se të dyja palët "u shkëputën menjëherë nga zona" dhe komandantët përkatës të vendeve atje mbajtën një takim për të diskutuar çështjen në përputhje me mekanizmat e strukturuar për të rivendosur paqen dhe qetësinë. SIngh tha se takimi u zhvillua të dielën dhe palës kineze iu “kërkua të përmbahej nga veprime të tilla dhe të ruante paqen dhe qetësinë” përgjatë kufirit.

“Çështja po trajtohej edhe përmes kanaleve diplomatike”, shtoi ai.

Ministria e Jashtme e Kinës nuk e pranoi drejtpërdrejt incidentin në një konferencë të planifikuar rregullisht të lajmeve ditën e martën.

"Me sa dimë, zona kufitare Kinë-Indi është përgjithësisht e qëndrueshme dhe të dyja palët kanë mbajtur komunikim të qetë për çështjet e kufirit përmes kanaleve diplomatike dhe ushtarake," tha zëdhënësi Ëang Ëenbin kur u pyet për deklaratën e Indisë për incidentin, duke treguar reporterët tek “autoritetet kompetente” për “specifikat”.

"Kina shpresonte se India do të ishte në të njëjtën faqe për të "ruajtur bashkërisht paqen dhe stabilitetin e kufirit Kinë-Indi", shtoi ai.

F.D/K.T./Shqiptarja.com

TAG:
• Kine
• Indi