Përshkallëzohet protesta në Mal të Zi, protestuesit sulmojnë deputetin shqiptar dhe kolegun e tij

Deputeti shqiptar Genc Nimanbegu dhe deputeti tjetër Sulja Mustafic janë sulmuar gjatë protestave të mbrëmjes së sotme në Mal të Zi. Për aktin e rëndë të ndodhur gjatë protestës ka reaguar ashpër edhe partia boshnjake në Mal të Zi.

Më 12 dhjetor, Parlamenti i Malit të Zi, pavarësisht rekomandimeve të Komisionit të Venecias, miratoi Ligjin e ndryshuar për Presidentin. Me miratimin e këtij Ligji, shumica aktuale parlamentare do të marrë një pjesë të kompetencave së presidentit në zgjedhjen e Qeverisë së re.Ky ligj ngjalli një reagim tepër të madh qytetar pasi ekziston një mospajtim mes kryeministrisë dhe presidencës.

“Një sulm i tillë nga individë të papërgjegjshëm nuk është tablo e protestave demokratike. Besojmë se personat që qëndrojnë pas këtyre sulmeve nuk i përkasin organizatorëve të protestës së sotme”, thuhet në reagimin e partisë.

Lajmi kryesor:

Parlamenti i Malit të Zi miraton ndryshimin e Ligjit për Presidentin, protestë e dhunshme në Podgoricë! Sulmohen dy deputetë

B.V/Shqiptarja.com

TAG:
• mali i zi
• podgorice
• milo gjukanovic
• proteste