Personi i infektuar në Kukës i riatdhesuar nga Kosova, qëndronte në hotel me 15 persona të tjerë

Sot nga Ministria e Shëndetësisë u konfirmua një rast pozitiv në qytetin e Kukësit e çuar në total në 19 numrin e të prekurve në këtë rreth. Burime bëjnë me dije se është një rast i importuar, pasi personi në fjalë ishte riatdhesuar nga Kosova dhe po qëndronte në karantinë në një prej hoteleve të qytetit.

Gjithashtu bëhet me dije se personi në fjalë është nga Tirana dhe po qëndronte në një hotel në Kukës së bashku me 15 shtetas të tjerë të riatdhesuar. Si rrjedhojë janë marrë tamponat për të gjithë personat e karantinuar, por fatmirësisht kanë dalë negativ.

Personi i infektuar është transportuar në Tiranë, ndërsa vetë Kukësi vijon të jetë në shifrat e 18 personave të infektuar, 16 prej të cilëve janë shëruar plotësisht. Ndër të shëruarit janë edhe 5 punonjës të spitalit infektiv dhe 6 të patrullës së policisë në Kukës.

Lajmi kryesor:

Shtatë raste të reja me koronavirus në 24 orët e fundit, po kaq në terapi intensive (VIDEO)

Ne.k./Shqiptarja.com

TAG:
• Kukes
• koronavirusi ne shqiperi