Një nga hapësirat e Parkut të Liqenit, e njohur si Bisedkat e vjetra të arkitektit Maks Velo, është transformuar në një teatër të hapur në natyrë për fëmijët. Teatri veror do të mbajë emrin “Pinoku” dhe është një dhuratë nga Bashkia e Parmës dhe Fondacioni “Collodi”, për nder të shkrimtarit të madh Italian, që krijoi personazhin e famshëm dhe të dashur për fëmijët, Pinoku.
Kreu i Bashkisë së Tiranës, Erion Veliaj dhe homologu i tij nga Parma, Federico Pizzarotti, së bashku me një grup fëmijësh, përuruan sot Teatrin më të ri në qytet, ku është vendosur edhe instalacioni i “Pinokut”, vepër e artistit të njohur shqiptar, Klement Zoraqi.
Veliaj u shpreh se Tirana është një qytet në progres, ç’ka e thotë qartë edhe transformimi i Parkut të Liqenit, nga një hapësirë e mbushur me kioska dhe plehra, në një nga zonat më të parapëlqyera për qytetarët dhe turistët.
“Kjo është një nga ato pikat ku ne kemi ndërhyrë për ta shndërruar në një hapësirë çlodhëse, një teatër me shfaqje për fëmijë. Është shumë e rëndësishme që të bëjmë nga pak progres çdo ditë. Fakti që pak orë nga ndeshja e mbrëmshme, ku e gjithë zona e Liqenit ishte e pushtuar nga tifozët, e gjejmë të pastër dhe jemi gati të rikuperojmë me punët e reja, me projektet e reja dhe me këtë Teatër fantastik, flet shumë se çfarë kulture kemi në qytetin tonë. Fakti që të gjithë ata njerëz që erdhën nga Roma dhe Roterdami, u befasuan nga një Tiranë e pastër, me njerëz të kulturuar, mikpritës dhe një qytet që di t’i përballojë flukset të mëdha, tregon se më e mira është përpara”, deklaroi Veliaj.
Ai shtoi se vendimet që merren sot për qytetin janë të rëndësishme për të ardhmen e fëmijëve.
“Pyetja që duhet t’i bëjmë vetes është: “Punët që bëjmë në Tiranë, a janë më mirë për fëmijët apo më keq? Nëse punët që bëjmë e prishin qytetin, nuk i rregullojnë këto hapësira, nuk i pastrojmë, atëherë është më keq për brezin që vjen. Nëse puna jonë prodhon hapësira të tilla, ku ju mund të shkëlqeni, mund të tregoni talentin tuaj, mund të duartrokiteni, do të thotë se kemi bërë diçka të mirë. Unë besoj se përgjigja është: Kjo që bëjmë është më mirë për fëmijët, jo për muhabetet e vjetra të të rriturve, por për muhabetet e reja të fëmijëve. Do të thotë se kemi bërë gjënë e duhur”, tha ai.
Në prag të 1 qershorit dhe të “Javës Italiane të Kulturës”, Festës së Fëmijëve, Tirana po bëhet gati për një sërë aktivitetesh të rëndësishme.
“Ne kemi disa aktivitete në prag të 1 Qershorit. Së pari, do të hapim Kopshtin Zoologjik, i cili u mbyll sepse nuk kishte kushtet e nevojshme. Sa herë që do të ndryshosh diçka, ngrihet ajo histeria e fillimit: Mos e prek këtë, mos e prek atë! Por, sot bëmë mirë që e prekëm Liqenin, e pastruam, e çliruam dhe rregulluam shumë prej këtyre hapësirave, që kanë qenë të vandalizuara. Bashkë me Komunën e Parmës do të kemi “Ballon me maska” të Verdit, por kemi disa aktivitete me Ambasadën Italiane, për atë që do jetë “Java Italiane e Kulturës”, deklaroi Veliaj.
Kryetari i Bashkisë së Parmës, Federico Pizzarotti, nënvizoi se përurimi i Teatrit Collodi (Pinoku) do të jetë një nga vendet e binjakëzimeve mes dy qyteteve. Të parët që u ngjitën në skenën e teatrit të ri në kryeqytet ishin nxënësit e një prej shkollave 9-vjeçare të kryeqytetit, të cilët performuan aventurat e Pinokut.
Lajme të tjera
-
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Tiranë/ Rikualifikohet zona e Thesarit, Veliaj inspekton punimet: Do ndërtojmë rrjet unazor, kemi përfunduar urbanizimin në 75 lagje!
18 Nëntor, 14:59 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
PD: Ministri i Drejtësisë të japë dorëjeqjen! Hetim pasuror Ulsi Manjës, aplikoi për ndërtimin e një kompleksi vilash në Farkë
16 Nëntor, 13:20 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Tiranë/ Analiza falas në ditën Botërore të Diabetit, nënkryetari i bashkisë Andi Seferi apel qytetarëve: Kontrollohuni dhe jetoni shëndetshëm
14 Nëntor, 14:54 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00 -
Veliaj i ftuar në Akademinë Politike të PS: Puna dhe reputacioni që lëmë pas, kontribut dhe vlerë për vendin
9 Nëntor, 14:00
