POP 5

Lajmet më të lexuara të 5 minutave të fundit

Kosova & Rajoni

‘Përvëlohet’ Greqia, temperatura deri në 44 gradë celcius! Shkolla dhe disa site arkeologjike 2 ditë mbyllur

Greqia po përjeton temperature më të larta se vitet e kaluara në të njëjtën periudhë. Në Athinë dhe disa rajone të tjera temperaturat shënuan deri 44 gradë Celsius, ndërsa shkollat u mbyllën për të dytën ditë. I mbyllur qëndroi edhe siti arkeologjik I Akropolit, ndërsa pritet që temperaturat të bien nga e premtja.

Greqia po përjeton një mot përvëlues për shkak të të nxehtit afrikan, ku në disa zona termometri shënoi 44 gradë celcius.

Mediat greke raportojnë se temperaturat më të larta u shënuan në zonën lindore dhe në jug, kryesisht në zonat jobregdetare. Megjithatë, pluhuri afrikan, i kombinuar me nxehtësinë, e kanë bërë atmosferën mbytëse në të gjithë Greqinë, me përqëndrime të larta grimcash, sipas Agjencisë Evropiane të Kopernikut për ndryshimet klimatike.

Ndërkohë sipas mediave greke droni me një kamera termike në qendër të Athinës në Omonia ka regjistruar një temperaturë prej 96.2 gradë Celsius, ndërsa në shatërvan ka qenë 34.9 gradë Celsius.

Por, gjatë gjithë kësaj jave Greqia është përballur me temperatura rekord, duke sjellë probleme në të gjithë vendin, që çuan në vendimin për të mbyllur para kohe shkollat. Siti arkeologjik i Akropolit, u mbyll gjatë dy ditëve të fundit. Ndërsa ministria e punës udhëzoi punonjësit e sektorit publik të punojnë nga shtëpia

Meteorologët kanë vënë në dukje se kjo është vala më e hershme e të nxehtit – e cila për Greqinë klasifikohet si temperatura që tejkalojnë 38 gradë Celsius për të paktën tre ditë – në historinë e regjistruar.

Por nga nesër vala e të nxehtit do të fillojë të tërhiqet, dhe do arrijë vlera normale për sezonin gjatë ditës së shtunë.

K.M/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça