Pesë mjete natyrale kundër
rënies së flokëve

Pesë mjete natyrale kundër <br />rënies së flokëve
Nëse keni probleme me rënien e flokëve, provoni mjetet natyrale dhe të lira kundër kësaj dukurie. Pavarësisht përparimit të madh në mjekësisë, nuk ka ilaçe efikase dhe të lira kundër rënies së flokëve. Edhe pse një tabletë nuk mund të zgjidhë problemet me rënien e flokëve, ka shumë metoda për lehtësimin e procesit të përgjithshëm të padëshiruar.

Nëse nuk keni para për transplantim të shtrenjtë dhe afatgjatë, provoni që problemin e rënies së flokëve ta zgjidhni me kombinimin e strategjive vijuese:
Ushqimi i rregullt: Bukuria vjen nga brenda, ndërsa parakusht për flokët e shëndetshme është ushqimi i balancuar. Flokët për t’u rritur kanë nevojë për hekur, lizinë dhe vitaminë B e cila në organizëm futet me konsumimin e frutave dhe perimeve. Rekomandohet që njëkohësisht të pihet shumë ujë i pasur me minerale

Shampot: Shampot kundër rënies së flokëve nuk veprojnë brenda natës dhe sigurisht që nuk janë efikas siç pohojnë prodhuesit. Megjithatë, nuk duhet të harrohet ndikimi i tyre pozitiv në flokë. Shampot me rozmarinë nxisin qarkullimin e gjakut në skalp, derisa kafeina zgjat “jetëgjatësinë” e çdo fije floku.

Silica
: Mjeti i shkëlqyeshëm natyral për thonj të bukur dhe flokë. Mund të blihet në formë të kapsulës, ndërsa ndryshimet e para pozitive ndodhin pas dy-tre muajsh. Kapsulat janë edhe më efikase kur merren me kos.

Uthulla e mollës:
Përdoret te humbja difuze e flokëve, respektivisht hollimi i flokëve në zonën e tërë kokës. Vjen deri te bllokimi i folikulave, ndërsa shkaku më i shpeshtë është kujdesi i gabuar ndaj flokëve. Uthulla e mollës duhet të përzihet me ujin ne raport 1:1,5 dhe të aplikohet në flokët e pastra të lagura dhe të shpërlahet mirë. Uthulla e mollës ndihmon edhe kundër zbokthit.

Tërfili grek: Fenugreek ose tërfili grek është bimë, farat e së cilës përdoren si erëza në kuzhinë, ndërsa njihet edhe për veprimin shërues. Përmban vitamina, lizinë, bakër dhe trigonelinë, ndërsa pikërisht kjo e fundit ndikon në balancën hormonale në trupin mashkullor

Shkrimi u botua në Suplementin Shëndeti gazetën Shqiptarja.com (print) 09.05.2013

Redaksia Online

  • Sondazhi i ditës:

    Kabineti i ri qeveritar, jeni dakord me ndryshimet e bëra nga Rama?



×

Lajmi i fundit

Del fotoja e mikut të biznesmenit që vdiq det, u arrestua sot! Do i vendosnin tritol anijes 'Finikas Lines', ishin konkurentë në linjën Sarandë-Korfuz

Del fotoja e mikut të biznesmenit që vdiq det, u arrestua sot! Do i vendosnin tritol anijes 'Finikas Lines', ishin konkurentë në linjën Sarandë-Korfuz