Banorët e rrugëve "Azem Hajdari" dhe "Valët e Detit", në zonën e ish-kënetës protestuan para bashkisë së Durrësit paraditen e së hënës, pasi shtëpitë e tyre janë shembur 5 vite më parë dhe ende kane mbetur pa strehë. Siç tregojnë banorët, shtëpitë u shembën për t’i krijuar hapësirë ndërtimit të një rruge të re. Ndërkohë që nisi zbatimi i projektit, banorët kishin aplikuar në Agjencinë Shtetërore te Kadastrës për legalizimin e banesave por ende nuk ishin pajisur me certifikate pronësie. Ndërsa Fondi Shqiptar i Zhvillimit, si financues dhe zbatues i projektit u kishte premtuar se do të kompensohen me banesa të reja, me të njëjtën sipërfaqe.
“Ne kemi 5 vite që sorollatemi në çdo institucion. Na kanë dhënë do i merrni apartamentet tek pallatet e reja, por letrat kanë ngel tek ASHK-ja e Durrësit, nuk i kanë çuar për VKM. I bëjmë thirrje Ramës të gjejë zgjidhje se ndryshe do e çojmë çështjen në SPAK”, tha protestuesit.
Tashmë kanë kaluar 5 vite dhe 30 familjet e zonës së ish-Kënetës ende nuk kanë marrë shtëpitë e reja. Tregojnë se janë ankuar në të gjitha institucionet lokale e qendrore dhe u kanë premtuar zgjidhje, por fakti është se ende jetojnë me qira.
“Pallatet e rindërtimit kanë përfunduar por ne s’po na fusin brenda. Jetojmë me qira prej 5 vitesh. Unë jam vet i shtati në familje dhe paguaj qiranë 35 mijë lek në muaj. Duam shtëpitë e reja që na kanë premtuar”, thanë ata.
Ndërkohë një ekip i Avokatit të Popullit ka mbërritur në Durrës dhe do ta ndjekë këtë problem së bashku me disa raste të tjera që kanë lidhje me strehimin e banorëve të dëmtuar nga tërmeti.
“Ne kemi ardhur se ka pasur disa ankesa nga banorët, i kemi përcjell ankesat në bashki dhe kemi ardhur sot të interesohemi se ku kanë ngecur procedurat! Pse këta banorë nuk janë strehuar pas kaq vitesh?!”, tha Enio Haxhimihali, përgjegjës i administratës pranë institucionit të “Avokatit të Popullit”.
Banorët e pastrehë të ish-Kënetës përfunduan tubimin pa mundur të kontaktojnë me zyrtarë të bashkisë së Durrësit. Ata thanë se do përshkallëzojnë protestën nëse problemi i tyre 5-vjeçar nuk merr zgjidhje të shpejtë.
Komente
Lajme të tjera
-
Borsh/ 50 familje në protestë: Kadastra na ka bllokuar certifikatat e pronësisë! Shteti ia ka dhënë tokën Komunitetit Mysliman
27 Mars, 17:31 -
FOTOLAJM/ Qielli mbulohet nga ylberi shumëngjyrësh, ja pamjet spektakolare nga Porti i Durrësit
27 Mars, 17:02 -
U konfliktua me një person dhe kundërshtoi policinë, arrestohet 33-vjeçari në Durrës! I gjendet edhe një thikë
27 Mars, 14:11 -
Durrës/ Lejoi të merrej nafta kontrabandë nga anija e sekuestruar në Porto Romano, Apeli i GJKKO lë në burg policin
27 Mars, 12:13 -
KPA lë në fuqi shkarkimin e prokurorit të Durrësit Arben Sharra
26 Mars, 22:00 -
Durrës/ Tentuan të fusnin 50 mijë euro mall kontrabandë, në pranga 2 shoferët e autobusit (EMRAT)
26 Mars, 13:27 -
Banorët sërish në protestë kundër resortit të Ulajt në Velipojë, përplasen me policinë: Na grabiti pronat me kreun e PL në Malësi të Madhe! Disa të shoqëruar (VIDEO)
26 Mars, 12:27 -
Me shpejtësi 'skëterrë', 22-vjeçarja në Durrës përplaset me një mjet të parkuar dhe përfundon në trotuar! Report Tv siguron momentin e aksidentit
26 Mars, 08:34 -
Enver Robelli: Studentët serbë duan ta rishkruajnë historinë me manipulime
25 Mars, 21:57
-
Bashkim Ulaj nis ndërtimin e resortit luksoz në Velipojë, banorët në protestë: Bashkëpunëtori i tij na grabiti tokën, falsifikuan dokumentet! Kallëzim në SPAK
25 Mars, 19:19 -
Kishte fshehur 1890 fara kanabisi në kofanon e makinës, arrestohet 26-vjeçari në Krujë! Në banesë kishte edhe pajisje kultivimi (EMRI)
24 Mars, 14:41 -
Deti nën ‘pushtetin’ e erës e dallgëve, vijon të jetë i pezulluar peshikimi dhe lundrimi i trageteve Vlorë-Brindisi, Durrës-Bari e anasjelltas! Rinisin nesër
24 Mars, 11:00
