POP 5

Lajmet më të lexuara të 5 minutave të fundit

Sociale

Pesë vite pas tërmetit, 105 familje pastrehë në Mirditë! Kryebashkiaku: Ministria e Infrastrukturës na ka premtuar se rindërtimi do të rifillojë në 2025

Pesë vite pas termetit, 105 familje në Mirditë kanë mbetur të pastrehë pasi janë ndërprerë fondet e Rindërtimit. Kryebashkiaku i Mirditës, Albert Mëlyshi, tha se ka marrë premtim nga Ministria e Infrastrukturës se procesi i Rindërtimit për banesat individuale do të rifillojë brenda vitit 2025.

Viti 2025 i gjeti të pastrehë 105 familje në Mirditë, banesat e të cilëve u dëmtuan nga tërmeti i 26-nëntorit të 2019-të. Po kështu bonusi i qirasë është ndërprerë duke vështiresuar jetesën e tyre.

“Banorët vijnë dhe ankohen në zyrat e bashkisë, por bashkia s’ka mundësi të ndërtojë 105 banesa. Ata jetojnë në kontejner, ndërsa nuk marrin as bonus qiraje”, tha Albert Mëlyshi, kryetar i Bashkisë Mirditë.

Mëlyshi shton se njësia vendore nuk ka fonde per t’u ndërtuar shtëpitë e reja ndaj ka kërkuar mbështetjen e Qeverisë.  U është premtuar se proçesi rindërtimit do të rinisë përgjatë vitit 2025.

“Kemi dërguar shkresa, kemi bërë biseda në Ministrinë e Infrastrukturës dhe na është thënë se rindërtimi do të rinisë në 2025-ën”, u shpreh më tej, Albert Mëlyshi, kryetar i Bashkisë Mirditë.

 Bashkia e Mirditës ishte një ndër zonat e prekura nga tërmeti, ku është ndërtuar një lagje e re në Rrëshen, por nuk është arritur që të strehohen të gjitha familjet të cilat mbeten pa shtepi 5 vite më parë.

R.D/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

4 Janar, 23:06