POP 5

Lajmet më të lexuara të 5 minutave të fundit

Sport

Peshëngritje, dështon Avdiraj

Ekipi shqiptar i peshëngritjes nuk e nisi me sukses ditën e dytë, pasi Romeo Avdiraj në baterinë B nuk mundi të bënte veçse një provë të suksesshme, atë në stilin e shkëputjes, duke ngritur 105 kg.
Ekipi shqiptar i peshëngritjes nuk e nisi me sukses ditën e dytë, pasi Romeo Avdiraj në baterinë B nuk mundi të bënte veçse një provë të suksesshme, atë në stilin e shkëputjes, duke ngritur 105 kg. Për shkak të një problemi fizik në shpinë Avdiraj tentoi të ngrinte 111 kg por dështoi si në provën e dytë edhe në të tretën. Dëmtimi e penalizoi Avdirajn edhe në stilin e shtytjes.

Avdiraj tentoi vetëm provën e parë me 135 kg duke e lëshuar shtangën pa e ngritur. Tani shpresat e Shqipërisë janë varur te Romela Begaj, Fetije Kasaj dhe Briken Calja me Daniel Godellin që janë shprehur se do të luftojnë për të marrë medalje në këtë event. I të njëjtit mendim me sportistët është edhe presidenti i Federatës që beson që pas realizimit me sukses të eventit do të dalë me medalje nga kampionati Evropian.


Paratova, kampionia e parë ukrainase e Evropianit të Tiranës


Ndërkaq, në garën e parë të mbrëmjes, ukrainasja Julia Paratova ka dominuar në kategorinë e peshës trupore deri në 53 kg, duke lënë prapa rusen Zvetllana Çeremshanova dhe bullgaren Maja Ivanova.

Paratova ka ngritur 90 kg në shkëputje dhe 104 në shtytje, duke marrë kreun e podiumit me 234 kg, 6 kg më shumë sesa shtangistja ruse dhe 8 më tepër sesa ajo bullgare.


Azerët pushtojnë podiumin në 62 kg, Hristov shpallet kampion i Evropës


Ndërsa në garën e dytë të mbrëmjes, janë ngjitur në pedanë 7 shtangistë që kanë konkurruar në baterinë A të peshës trupore deri në 62 kg dhe azerët kanë pushtuar podiumin, duke marrë vendin e parë dhe të tretë, ndërsa atë të dytin e mori një moldav.

Me 137 kg në shkëputje, 175 kg në shtytje dhe 312 në dygarësh, Valentin Hristov është shpallur kampion i kontinentit, duke fituar sfidën ndaj moldavit Igor Bour dhe bashkëatdhetarit Zulfugar Sulejmanov, të cilët ngritën përkatësisht 304 dhe 290 kg në dygarësh.



Dylber Balla

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Zjarret në Los Angeles, reportazhi i ‘La Repubblica’ nga ferri i Pacific Palisades! Dëme në rrjetin elektrik dhe hidrante jashtë funksionit

Zjarret në Los Angeles, reportazhi i ‘La Repubblica’ nga ferri i Pacific Palisades! Dëme në rrjetin elektrik dhe hidrante jashtë funksionit

11 Janar, 09:31 nga Paolo Mastrolilli