Zyrtari serb: Kosova po bëhet gati të sulmojë gratë, pleqtë, fëmijët e burrat tanë

Drejtori i të ashtuquajturës Zyra për Kosovë Petar Petkoviç, tha se vendosja e njësive të ushtrisë dhe MPB-së në nivelin më të lartë të gatishmërisë luftarake është “përgjigje ndaj kërcënimit të menjëhershëm të luftës” dhe asaj që po bën Kosova për të “kryer një sulm” në veri të Kosovës.

“Duke pasur parasysh se Kosova e ngriti gatishmërinë luftarake të forcave të sigurisë së Kosovës në nivelin më të lartë, duke i përgatitur ato njësi, tyta të gjata dhe automjete të blinduara për të sulmuar popullin serb në veri të Kosovës me qëllim që të sulmojnë gratë, pleqtë tanë, fëmijët, burrat, njerëzit tanë që vetëm në barrikada mbrojnë të drejtën e jetës së zhveshur”, theksoi Petkoviç në RTS.

LEXO EDHE:
Kosovë/ Edmond Lajçi dënohet me burgim të përjetshëm për vrasjen e bashkëshortes në Pejë

Ai shtoi se presidenti i Serbisë, Aleksandar Vuçiç, “bën gjithçka për të ruajtur paqen dhe stabilitetin”.

“Ne jemi të gatshëm të ruajmë paqen, por edhe t'i përgjigjemi çdo lloj kërcënimi që vjen nga Prishtina”, tha Petkoviç për RTS. Ai theksoi se ato duhet të dinë se kanë pas vetes Serbinë, e cila është e gatshme të mbrojë jetën e popullit të saj. 

Petkoviç tha se populli serb nuk sulmon askënd, se ne nuk duam konflikte dhe se kryeministri i institucioneve të përkohshme të Prishtinës, Albin Kurti, dëshiron të sulmojë popullin serb duarzbathur.

TAG:
• tensione ne veri te kosoves
• kosove
• serbi

Sondazhi i ditës:

Si ka qene per ju viti 2024?

• I mire

  44.1%

• I keq

  22.7%

• As i mire as i keq

  33.2%

Vota total: 1507

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq