POP 5

Lajmet më të lexuara të 5 minutave të fundit

Politikë

Marrëveshja Itali-Shqipëri për emigrantët, ministri i Jashtëm Hasani intervistë për mediat italiane: Ta lëmë Gjykatë Kushtetuese të bëjë punën e saj

Ministri për Evropën dhe Punët e Jashtme, Igli Hasani ka dhënë një intervistë për mediat italiane në prag të vizitës në Tiranë të Antonio Tajanit, zëvendëskryeministrit i cili është njëkohësisht edhe ministër i Jashtëm i Italisë.

Marrëveshja Itali-Shqipëri për emigrantët, ministri i Jashtëm Hasani intervistë për mediat italiane: Ta lëmë Gjykatë Kushtetuese të bëjë punën e saj

Igli Hasani

Ministri për Evropën dhe Punët e Jashtme, Igli Hasani ka dhënë një intervistë për mediat italiane në prag të vizitës në Tiranë të Antonio Tajanit, zëvendëskryeministrit i cili është njëkohësisht edhe ministër i Jashtëm i Italisë.

Duke folur për vendimin e Gjykatës Kushtetuese që pezulloi marrëveshjen Itali-Shqipëri për emigrantët afrikanë, Hasani tha se nuk duhet të ketë ndërhyrje në këtë rast dhe se gjykata duhet lënë të bëjë punën e saj.

“Është në të drejtën e Gjykatës Kushtetuese që të ketë pezulluar marrëveshjen për emigrantët me Italinë pasi Kushtetuta e Republikës së Shqipërisë parashikon që “Gjykata shqyrton një marrëveshje ndërkombëtare përpara ratifikimit të saj” dhe “qeveria respekton funksionimin e drejtësisë”. Pra, lëreni të bëjë punën e vet dhe prisni vendimin përfundimtar”- u shpreh Hasani për Adnkronos.

Ai theksoi se mbështetja e Italisë ndaj Shqipërisë ka qenë e kahershme dhe nuk vjen tani për shkak të marrëveshjes për emigrantët.

"Mbështetja italiane për Shqipërinë nuk filloi për shkak të një marrëveshjeje - shpjegon ai - Italia ka qenë gjithmonë mbështetësja e parë dhe ndihma më e madhe për vendin tonë. Prandaj, çdo aludim për favore për çdo marrëveshje mes dy qeverive tona dhe vendeve mike do të ishte i pavend dhe një fyerje për historinë e Italisë dhe Shqipërisë”- nënvizoi ai.

Duke komentuar qëndrimin e opozitës për këtë marrëveshje, ministri tha se pakica parlamentare në Shqipëri reagon gjithmonë negativisht ndaj çdo vendimi të qeverisë pa u thelluar në argumentet e saj.

“Reagon negativisht ndaj çdo vendimi, pa thelluar apo argumentuar opinionet e saj: është kundër gjithçkaje, pa ditur as çfarë kundërshton. Kjo është një marrëveshje e ndërsjellë midis vendeve që gjithmonë kanë ndihmuar njëri-tjetrin. Për ne është gjithmonë një nder të japim dorën kur na kërkon Italia dhe do të jetë gjithmonë një privilegj të jesh një mik i veçantë i Italisë dhe i Italisë, vend vëlla dhe aleat”.

Në fund, sa i përket vizitës së Tajanit që pritet të mbërrijë në Tiranë ditën e nesërme (22 dhjetor), Hasani thekson se vizitat e ndërsjella, në çdo rast, konfirmojnë gjendjen e shkëlqyer të marrëdhënieve ndërmjet Shqipërisë dhe Italisë.

Gjykata Kushtetuese në 13 dhjetor mori në shqyrtim kërkesën e bërë nga 30 deputetë të grupit Bardhi-Berisha kundër marrëveshjes me Italinë për emigrantët afrikanë duke sjellë automatikisht pezullimin e saj deri në një vendim përfundimtar të dhënë nga gjykata. Seanca e parë, pritet të mbahet në 18 janar, 2024 ku palët do të paraqesin pretendimet e tyre dhe më pas brenda 3 muajve, Gjykata Kushtetuese duhet të marrë një vendim mbi marrëveshjen. Kryemistrja italiane, Giorgia Meloni u shpreh se e respektonte vendimin e gjykatës dhe se do të priste deri në një vendim përfundimtar. 

B.V/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Fotot e papublikuara më parë, zbulohet një fis i ri njerëzish në pyjet e Amazonës

Fotot e papublikuara më parë, zbulohet një fis i ri njerëzish në pyjet e Amazonës

22 Dhjetor, 20:19