POP 5

Lajmet më të lexuara të 5 minutave të fundit

Politikë

Lajme nga emisionet

Pezullimi i ratifikimit të marrëveshjes me Italinë në Kuvend, avokati Arbër Hoxha zbulon procedurat që do ndjekë Gjykata Kushtetuese në 18 janar

Avokati Arbër Hoxha shpjegoi se në 18 janar në Gjykatën Kushtetuese, pritet të zhvillohet seanca gjyqësore për dëgjimin e palëve, asaj të deputetëve kërkues dhe të palës përfaqësuese të Këshillit të Ministrave. 

Gjykata Kushtetuese mori në shqyrtim sot kërkesën e bërë nga deputetët e grupit Bardh-Berisha kundër marrëveshjes me Italinë për emigrantët duke pezulluar kështu ratifikimin në Kuvend.

Për të folur mbi procedurat e mëtejshme që Gjykata Kushtetuese do të ndjekë, i ftuar në “Studio Live” me gazetarin Arbër Hitaj, ishte avokati Arbër Hoxha.

Ai shpjegoi se në 18 janar, pritet të zhvillohet seanca gjyqësore për dëgjimin e palëve, asaj të deputetëve kërkues dhe të palës përfaqësuese të Këshillit të Ministrave. Më pas do të ketë një vendim të Gjykatës Kushtetuese, që sipas ligjit nuk duhet të vonojë më shumë se 3 muaj nga data kur është depozituar kërkesa.

“Në 18 janar, do të kalojë në seancën gjyqësore dhe do dëgjohen palët, pala kërkuese dhe pala që përfaqëson këshillin e ministrave dhe më pas gjykata merr kohën që i duhet për të vendosur. Ligji e cakton që koha brenda 3 muajve nga depozitimi i kërkesës pa të meta, të jepet vendimi. Besoj se fundi i shkurtit është afati maksimal nëse seanca do zhvillohet në datën 18 janar. Seanca mund edhe të dështojë për mungesë të një prej palëve ose mungesa e kuorumit”- tha Hoxha.

Më tej ai komentoi edhe kthimin e kërkesës së bërë nga PD zyrtare me kryetar Lulzim Bashën duke sqaruar se nuk ishte plotësuar dokumentacioni i saktë për të marrë në shqyrtim kërkesën.

Sa i takon marrëveshjes, Hoxha tha se përveç shkeljes për mungesës së transparencës, nuk ka ndonjë shkelje tjetër pasi nuk cënon sigurinë dhe interesin publik të Shqipërisë.

“Me sa duket ka një shkelje të procesdurës saq i përket debatit publik, transparencës. Përtej kësaj, në thelb nuk ka asnjë shkelje pasi nuk do të cënohet siguria dhe interesi publik të Shqipërisë. Nuk ka asgjë të jashtëzakonshme, është marrëveshje standarte që një shtet sovran i lejon një shteti tjetër sovran të përdorin një territor  të caktuar dhe ta kenë në administrim”- është shprehur avokati.

Votimi i marrëveshjes në Kuvend është pezulluar pasi Gjykata Kushtetuese mori në shqyrtim kërkesën e bërë nga 30 deputetë të grupit Berisha dhe Bardhi.

B.V/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • xhemal: 13/12/2023 19:31

    Gjykata po' i ben nderet e fundit salinjve...cdo vendim i keq ben te vuajne nierezit e thjeshte kudo ku Jane..shpejt do ja ndjeni krismen..Jane perpjekjet e fundit per te demtuar shqiperine per nje grup te Vogel interesaxhinj

    Përgjigju
  • Sondazhi i ditës:

    A mund të zhvillojë Shqipëria turizmin elitar?

Lajme të tjera



×

Lajmi i fundit

Sulmi në metronë e Londrës, vdes 13 vjeçari, 4 të tjerë në spital

Sulmi në metronë e Londrës, vdes 13 vjeçari, 4 të tjerë në spital

30 Prill, 14:19