Fondi Shqiptar i Zhvillimit ka kaluar edhe fazën e fundit, që i hap rrugë zbatimit të komponentit tjetër që financohet nga projekti me Bankën Botërore. Në një njoftim të fundit, fondi bëri të ditur se ka shpallur kompaninë fituese që do të japë konsulencën për dizajnin dhe ndërtimin e mbikëqyrjes së infrastrukturës për pikat panoramike në Jugun e Shqipërisë, konkretisht në Sarandë, Gjirokastër, Përmet dhe Berat. Në garë morën pjesë 12 kompani që ishin bashkim i përkohshëm me kompani shqiptare dhe franceze, greke, italiane apo dhe më gjerë. Fituese ishte Anaplasi Consultancy Engineers SA me një kontratë, vlera e së cilës është 93 600 euro.
Por çfarë është në fakt nënkomponenti i pikave panoramike në disa zona të vendit. Në vetvete synon që me palët e interesit, në këtë rast Fondi Shqiptar i Zhvillimit dhe bashkitë të identifikojë një listë të gjatë me pika të mundshme panoramike përgjatë rrugëve që lidhin katër bashki (Sarandë, Gjirokastër, Berat, Përmet) sigurisht brenda zonave të projektit. Një tjetër nënkomponent është zhvillimi i një ideje dhe imazhi për këto vendqëndrime dhe prezantimi, vlerësimi apo prioritarizimi i tyre me palët e interesit për të zgjedhur ato me më shumë potencial në zgjerimin e potencialit turistik të këtyre katër zonave.
Po kështu, nënkomponenti parashikon përgatitjen e dizajnit paraprak për të prioritarizuar projektet e investimeve me projekte të tjera të zonës, me synimin e arritjes së vizionit të zhvillimit dhe të jenë në harmoni me paketën e Projektit për Zhvillimin e Integruar Urban dhe Turizmin e Bankës Botërore.
Për secilën nga sajtet do të hartohet një plan menaxhimi më vete që do të mundësojë administrim dhe menaxhim të qëndrueshëm për lehtësisë dhe shërbimet e integruara përgjatë kësaj zone. Kredia për projektin e turizmit me një vlerë prej 63.8 milionë euro u dha nga IBRD pjesë e Bankës Botërore, me një marrëveshje të veçantë në fund të vitit 2016./Monitor/
Lajme të tjera
-
Pse mbahet i fshehtë projekti për restaurimin e Urës së Zogut? Shoqëria civile kërkon transparencë nga 'Kultura'
27 Qershor, 14:37
-
Së shpejti projekti ‘Ted Kashar’, qeveria nis shpronësimin! Plani 100 mln euro, do të rrisë industrinë vendase! 7 mijë vende punë e qendra biznesesh
17 Maj 2023, 20:04
-
Mbyllet Shtëpia e Fëmijës në Vlorë, kujdestaret kundër: Fëmijët s'janë gati për t'u kthyer në familjet biologjike
17 Nëntor 2021, 17:30 -
Koronavirusi/ Google dhe Apple së bashku projekt për gjurmimin e të infektuarve
11 Prill 2020, 21:49 -
Punime në segmentin Pallati me Shigjeta - Rrethrrotullimi 'Shqiponja', ja si devijon trafiku
28 Shkurt 2020, 13:22
