POP 5

Lajmet më të lexuara të 5 minutave të fundit

Sociale

Piktorët e vegjël, tradita që nuk shuhet në Lezhë! Fëmijët trashëgojnë dashurinë për artin pamor

Të vegjlit në Lezhë vijojnë të trashëgojnë dashurinë ndaj artit pamor. Pasioni lind në vegjëli dhe këtë na e rrëfen Kejsi Pepkolaj që ka nisur pikturën prej moshës 4 vjec. Brezat e rinj do të jenë pasaardhësit e mjeshtrave të njohur në Lezhë, Pashk Përvathi, Martin Luca, Mikel Paluca e Ymer Metaliaj.

Është vetëm 14-vjeçe, por pasioni për artin pamor e ka bërë të jetë profesioniste në këtë fushë. Kejsi Pepkolaj nga Lezha e ka nisur rrugëtimin e saj në pikturë në moshën 4-vjeçare dhe sot nuk ka asnjë dallim me mjeshtrat e kësaj fushe. Ajo ka marrë pjesë në disa ekspozita dhe është vlerësuar me çmime në aktivitet kombëtare.

"Pikturën e kam nisur që në moshën 4-vjeçare duke u marrë me filma të animuar dhe mundohesha që t'i kopjoja ato", rrëfen 14-vjeçarja.

Natyra është ajo çfarë e frymëzon më shumë vajzën 14-vjeçare dhe çdo fundjave ia kushton punës në terren. Synimin për të ardhmen e ka të qartë, që të bëhet një piktore njohur brenda dhe jashtë vendit.

"Nuk kam diçka reale që me frymëzon, çdo gjë më frymëzon, natyra. Synimi im është që të bëhem një piktore e madhe, të marr pjesë në shumë ekspozita si në Shqipëri dhe jashtë vendit", thotë  Kejsi.

Ndonëse koha në këtë periudhë nuk është e favorshme për të punuar në terren, vendosmëria e Kejsit e ka sfiduar diçka të tillë. Vëmendja e saj është përqendruar tek prezantimi përmes penës i aseteve turistike dhe historike që ka Lezha.

"Vendosmëria e Kejsit për ta përfunduar këtë pikturë që ka nisur me seanca na bën dhe ne si prind të motivuar për ta mbështetur më shumë punën e saj", tha babai i Kejsit, Agostin.

Prej më shumë se 20 vitesh punon për përgatitjen e brezave në artin pamor me qëllimin që Lezha mos ta humbasë traditën. Ymer Metaliaj Përgjegjës i Galerisë së Arteve thotë se puna e tij ka pasur sukses, pasi shumë nxënës janë bërë mjeshtra të pikturës e deri pedagogë.

"Ashtu siç mua më mësuar pedagog e mi, e unë të jem një mësues për fëmijët e Lezhës e ka vërtetuar dhe shkollimi i tyre", shprehet Metaliaj.

Dëshira dhe pasioni që kanë fëmijët për artin pamor e obligon që puna e tij të mos ndalet.

"Kjo dëshirë dhe dashuri që kanë fëmijët për artin pamorë për detyron dhe mua që të jem i përgatitur si mësues që t'i mësoj si duhet", përfundon Metaliaj.

Pashk Përvathi, Martin Luca, Mikel Paluca e Ymer Metaliaj janë piktoret e njohur të Lezhës rruga e të cilëve po ndiqet dhe nga brezi i ri falë dëshirës së shumë fëmijëve që kanë për artin pamor.

 

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu