“Impenjim dhe ngjyra”. Ky është titulli i ekspozitës vetjake të piktorit Arben Basha me rreth 60 tablo, të cilat janë realizuar rreth 10-vjeçarit të fundit. Për “ReportTV” artisti rrëfen disa nga tematikat, që gjatë punës së tij e kanë bërë që të reflektojë, duke i kthyer në pikturë. Në një nga ciklet që piktori ekspozon sjell problematikën e Ballkanit, që shpeshherë është konsideruar një fuçi baroti për shkak të grindjeve që kanë popujt e Ballkanit. Të tjerët më tej i kushtohen pranverës së mbrapshtë të ’97, Luftës së Kosovës, por pa munguar si përherë edhe peizazhet e realizuara në natyrë dhe 9 grafika të realizuara gjatë viteve të shkollës.
“Veç këtyre jam frymëzuar edhe nga një shprehje e Nënë Terezë, që thotë “Njerëzit nuk kanë nevojë për mëshirë, por për buzëqeshje”. Këto fjalë edhe mendime, ty të ngrenë një problematikë, që ti përpiqesh që ti realizosh në anën figurative. Po ashtu edhe peizazhet e vendit, atdheut tonë, që është shumë i bukur edhe pse nuk jemi në ato nivele, social-kulturore që duhet që të ishte Shqipëria. Në këtë kuptim është impenjimi, ndërsa ngjyra është mjeti, teknika, që shpeshherë ka piktura që kanë në qendër anën koloristike”, shprehet piktori Arben Basha.
Derisa arrin në fund të një pune, për të është luftë shumë e madhe, sepse jo çdo telajo që merr edhe e vendosë në kavaletë mund të kthehet në pikturë.
“Unë bëj dy lloj pikturash, një e bëj në natyrë, sepse më pëlqen, më jep një shpirt, një gjendje që nuk ma jep dot studioja. Unë jam i lidhur me natyrën, sikundër ka qenë Anteu. Natyrën e kam pasur udhërrëfyesen time”, tregon piktori.
Përreth 30 vite Arben Basha ka qenë edhe piktor i shumë filmave, të cilët janë realizuar në ish-Kinostudio, si “Nëntori i dytë”, “Muri i gjallë” apo“Përrallë nga e kaluara”.
“Nga ana tjetër më ka dhënë një gjë shumë të madhe, sepse nëpërmjet filmave s’kam lënë vend të Shqipërisë pa shkuar dhe pa pikturuar. Regjisorët, sidomos ata me shumë kulturë, si Dhimitër Anagnosti, Viktor Gjika, Pirro Milkani etj., kishin interes që skenografia e filit të ishte në maksimumin e mundshëm dhe më kanë lënë të lirë”, shton Basha.
Prandaj, sot përveç nostalgjisë ai ndjen dhimbje për gjendjen ku është katandisur filmi shqiptar.
“Unë filmin shqiptar e shikoj me shumë dhimbje, sepse financiarisht nuk është ai që ka qenë. “Nëntori i dytë” apo një film tjetër, nëse bëjmë llogaritë është paguar me mln dollarë asokohe, sepse kinostudio ka qenë në shërbim të pushtetit. Atmosfera ishte nga më të larmishmet edhe më cilësoret në funksion të skenarëve. Tani më vjen keq, që në çdo film shikoj kafene, më vjen keq edhe që disa nga regjisorët nuk e kuptojnë se në radhë të parë filmi është fotografia, pastaj vjen aktori me veshjen, e më pas është skenari. Prandaj filmat shqiptarë të asaj kohe janë akoma të bukur”, përfundon piktori.
Ekspozita “Impenjim dhe ngjyra” do të vazhdojë që të qëndrojë hapur në Muzeun Historik Kombëtar.
Lajme të tjera
-
Policia gjen 72 armë dhe 3000 fishekë në shtëpinë e yllit francez të filmit, Alain Delon
28 Shkurt, 19:32 -
Ndërron jetë në moshën 82-vjeçare aktori i njohur i ‘Love Story’ Ryan O’Neal
9 Dhjetor 2023, 12:19 -
‘Shqipëria është Biodiversitet’, instalacion në sheshin ‘Skënderbej’ me speciet unike të Shqipërisë
4 Tetor 2023, 11:24 -
Në muze busti i Klementit XI, Papës me origjinë shqiptare që drejtoi kishën katolike për 21 vjet! Bushati: Vjen nga mali i Mikelanxhelos! Dhuratë dhe një libër 3 shekullor!
27 Shtator 2023, 15:58
-
Mozaiku 'Shqipëria'/ Ironia me 'retushimin' e PD në '93, hoqi librin e kuq e dy yje, ‘zien’ rrjeti: Ka ende në shalle, kapele deri edhe te xhubleta 4000-vjeçare!
23 Maj 2023, 11:34 -
'Nga më të rëndësishmit e kinematografisë', Kristaq Mitros i jepet lamtumira e fundit, kolegët rrëfejnë regjisorin: Ëndërronte të bënte të tjerë filma, por nuk u realizuan!
8 Prill 2023, 13:46
-
Shuhet në moshën 77-vjeçare regjisori Kristaq Mitro, bashkëautori i kryeveprave si 'Liria a vdekje apo 'Dimri i fundit'! Kolegët në zi: Veprat e tij të pakontestuara
3 Prill 2023, 12:02 -
Një prej ikonave të viteve të arta të kinematografisë shqiptare, ndërron jetë në moshën 85-vjeçare aktorja e njohur, Mimika Luca
21 Shkurt 2023, 12:50 -
‘Skënderbeu’ i ekspozuar në Muze, 555-vjetori i vonuar i vdekjes së Heroit Kombëtar, Koçi: Figura e tij, e gjallë në ndërgjegjen e popullit
7 Shkurt 2023, 15:52 -
Sherr me grushte për faturën 400 euro në një lokal nate në Prizren, pronari qëllon me armë 3 të rinjtë nga Kukësi! Vdes 31-vjeçari, plagoset shoku
3 Janar 2023, 07:39 -
Se keni ndarë mendjen çfarë filmash të shihni? Ja disa sugjerime fantastike për të zgjeruar imagjinatën e për të forcuar humorin
1 Janar 2023, 18:42 -
Restaurimi i Muzeut Historik nga BE, draftprojekti me rikonceptim të hapësirave! Edhe Arkeologjia e Etnografia pjesë, për të rrëfyer historinë përmes objekteve
1 Dhjetor 2022, 00:01
