Piktorja Anila Hetoja çel ekspozitën personale në Galerinë e Arteve në Shkodër. Hetoja ekspozon tablo, të cilat i ka realizuar në 30 vjet udhëtim artistik. Piktorja veprat e saj që kanë në qendër, figurën femërore edhe natyrën e vendit, i përcjellë në teknika të ndryshme në vaj, akrilik, ku nuk mungojnë as materialet e ricikulueshme.
“Sjell sot para artdashësve një kolazh, që ka vite që është realizuar. Sot jam e lumtur që çel një ekspozitë në vendin tim, ku kam rrënjët edhe fillimet e mia artistike, sepse po ekspozoj këto punë, që i kam punuar me pasion. Sjell si punime të reja, art me gota plastike apo materiale të tjera të riciklueshme, që vijnë si një teknik e re në qytetin e Shkodrës”, shprehet piktorja Anila Hetoja.
Ballafaqimi me qytetin e lindjes, vendin ku ka hedhur hapat e para në art, vendin ku ka zbuluar dëshirën e saj për të pikturuar, artistja e konsideron një tjetër moment të rëndësishëm në krijimtarinë e saj artistike.
“Është përgjegjësi e madhe, emocion i madh, por kur punon me dashuri çdo gjë realizohet”, vijon piktorja Hetoja.
Piktorja Anila Hetoja ka ekspozuar edhe në galeri të ndryshme jashtë vendit, Gjermani apo Kanada. Ajo ka përfunduar studimet e larta për Dizajn dhe art në Kanada. Ekspozita do të vazhdojë që të qëndrojë hapur në Galerinë e Arteve në Shkodër deri në datë 6 maj.
Lajme të tjera
-
‘Sensitive’, Anila Hetoja vendos gruan në qendër të 20 pikturave, piktorja: Kam dashur t’i jap vendin që i takon
21 Qershor 2022, 16:03
-
Mos i hidhni lëkurat e frutave dhe perimeve, ja disa ide dekorimi për të servirur bukur pjatën tuaj
15 Prill 2022, 14:24 -
Si ta bëni pamjen e shtëpisë suaj më të këndshme? Anila Hetoja: Ja trendet e këtij viti (VIDEO)
9 Prill 2020, 11:51 -
Piktorja dhe dizajnuesja Anila Hetoja: Kurajë, duajeni familjen dhe qëndroni në shtëpi (VIDEO)
25 Mars 2020, 11:56
