Sipas shkencëtarëve, konsumimi i dy gotave çokollatë në ditë ndikon për mirë tek të moshuarit duke rregulluar kujtesën e tyre.

Çokollata gjithashtu nxit edhe qarkullimin e gjakut në tru, çka ndikon edhe në aftësinë  e të menduarit. Shkencëtari Farzaneh Sorond i Universitetit të Mjekësisë në Harvard, tha se “zona të ndryshme të trurit kanë nevojë për më shumë energji, rrjedhimisht kanë nevojë edhe për sasi më të madhe të gjakut”.

Në studim janë përfshirë rreth 60 njerëz me një moshë mesatare prej 73 vjeç. Personat e përshirë në studim konsumonin 2 gota në ditë me kakao të nxehtë.

Nga një studim i mëparshëm, çokollata ul presionin  e gjakut dhe zvogëlon rrezikun e diabetit.

(v.gj/shqiptarja.com)