Pirro Çako, kompozitori i çdo kohe… me apo pa instagram

Kur Elvana Gjata nxori albumin “Çelu” si bashkëpunim me Pirro Çakon, veç suksesit të padiskutueshëm të këngëtares, mendoja: sa mirë që përmes Elvanës që është kaq në trend këto kohë, do të pëlqehet nga të rinjtë, do të qarkullojë në këtë tregun e ri të muzikës që bën më shumë bujë prej YouTube e Instagramit edhe Pirro, kompozitori që krijon pa bërë shumë bujë, pa e pasur aspak mendjen me e publiku muzikën e tij në social media.

Sepse është ai artisti që e ka mendjen tek notat që hedh në pentagram, ashtu krejt natyrshëm siç i buron nga shpirti, pa mendu për Instagramin.

I njëjti mendim me erdhi, ndërsa kudo nisi të qarkullojë e të marrë dhenë historia e Parashqevi Simakut e bashkë me të edhe e këngës “E duam lumturinë”, që nxori më në pah talentin e çdo kohe të Pirro Çakos.

LEXO EDHE:
Pirro Çako heq ‘E duam lumturinë’ nga kanalet abuzive në Youtube, që edhe Parashqevi Simaku të ketë të drejta mbi veprën artistike pas rikthimit

Më vjen keq ta them që do të duhej zhurmnaja e social medias për të nxjerrë në dritë apo më mirë të them, për ta përshirë në vëmendjen e të gjithëve, pa dallim moshe e shijeje, një nga kompozitorët më të mirë që ne kemi: Pirro Çakon. Artistin që edhe pse nuk di e as nuk e ka në natyrë ta reklamojë punën e tij, do të jetë gjithmonë aty, i ulur në piano e pentagrame për të na dhënë gjithmonë muzikë të bukur.

Pirro Çako vazhdo e shkruaj muzikë, se koha do të jetë gjithmonë në favorin e talentit tënd, me apo pa Instagram!

TAG:
• Pirro Çako
• zefina hasani

Sondazhi i ditës:

Çfarë prisni në vitin 2025?

• Punë

  8.5%

• Shëndet

  73.9%

• Mirëqënia

  17.6%

Vota total: 284

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia