Receta

Pite me kungull të njomë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 13 Janar 2023, 11:54 | Përditesimi: 13 Janar 2023, 11:55

Pite me kungull të njomë

Përbërësit:

100 gr djathë i bardhë
1 gotë miell gruri
1 gotë miell misri
1 lgj sodë buke
3 lgj kos
2 kunguj jeshil
3 qepë të njoma
1 tufë majdanoz
2 lgj vaj ulliri
1 kokërr vezë
Kripë, piper

Salca shoqëruese për pitet:

LEXO EDHE:
Pulë me oriz në furrë nga zonja Albana

3 lgj vaj ulliri
3 presh të prerë hollë
1 lgj spec djegës
4 lgj kos natyral
7 lgj djathë i bardhë
5 lgj gjizë pa kripë
1 lgj mjaltë
Kripë sipas shijes

Përgatitja:

Grijmë fillimisht në rende kungullin, e vendosim në një tas ku shtojmë qepët e njoma gjithashtu të grira shumë imët, djathin e bardhë të thërrmuar, miellin e grurit, miellin e misrit, pak sodë buke, pak kos, 1 vezë, kripë, piper dhe majdanoz. E trazojmë mirë brumin dhe e shtrojmë në një tavë me letër pjekje. E vendosim tavën në furrë të parangrohur në temperaturën 180 gradë Celisus për rreth 25-30 minuta.

Pasi kulaçi apo pitja me kungull është pjekur e lemë të ftohet dhe ndërkohë përgatisim bazën e salcës ku do ta servirim. Kaurdisim me pak vaj ulliri preshin e grirë imët me pak kripë, piper të zi dhe piper të kuq djegës. Në një blender vendosim kosin, gjizën dhe djathin e bardhë, sipas dëshirës mund të shtojmë dhe pak mjaltë. E punojmë derisa të krijohet një salcë kremoze të cilën e vendosim si bazë në një pjatajncë. Mbi salcën vendosim preshin e kaurdisur dhe me pas piten me kungull të prerë në feta.

MC/Shqiptarja.com

TAG: