POP 5

Lajmet më të lexuara të 5 minutave të fundit

Politikë

PL kërkoi emrin e Berishës për koalicionin, Haklaj: S’është udhëheqësi ligjor! Bejko për Tiranën? Zgjedhja e vetme e djathtë

Ish deputeti i PD-së, Azgan Haklaj si një ndër zërat më kritik të ish kryeministrit Sali Berisha e kishte paralajmëruar edhe më herët lëvizjen e Berishës për të udhëhequr partinë e Metës.

Ish deputeti i PD-së, Azgan Haklaj si një ndër zërat më kritik të ish kryeministrit Sali Berisha e kishte paralajmëruar edhe më herët lëvizjen e Berishës për të udhëhequr partinë e Metës.

I ftuar në Studio Live me gazetarin Arbër Hitaj, Haklaj u shpreh se Berisha nuk është udhëheqësi ligjor i PL-së, ndaj koalicioni nuk ka pse mban emrin e tij.

“Ka vetëm një PD, e cila u përball me një përpjekje të shëmtuar të Zhukrit për t’a mbajtur peng. Pastaj me atë të Celibashit, që u mundua të pengonte regjistrimin e PD-së.

Partia e Lirisë, ka kryetar Metën, kandidatët është firmosur nga Braimllari dhe juridikisht ëstë Meta dhe kjo që ka bërë Berisha është një hile e madhe.

Ky koalicion ka dy udhëheqës, atë shpirtëror që është Berisha dhe ai politikisht është Meta. Ata nuk mbështeten as nga qytetarët. Ishte një koalicion për interesat e tyre politike dhe jo për demokracinë.”- tha ai.

I pyetur për garën në Tiranë, Haklaj u shorësh poizitiv për kandidatin e PD-së, Ronald Bejko. Ai e cilësoi si garë të fortë ndërsa u kujdes të cilësonte Bejkon si kandidati i vetëm që vjen nga një forcë reale e djathtë.

“Është një garë e fortë në Tiranë, e vonuar nga PD për shkak të hallkave juridike. Megjithatë fakti politik është që PD është e regjistruar dhe është e vetmja forcë politike e djathtë.

Bejko ka një doktrinë politike të mirë. Basha e ka mbështetur Bejkon, ka qenë në takime në Gjermani është edhe tani në takime. Basha dhe Bejko kanë bërë takime bashkë etj.”- tha ai.

I pyetur për mos mbështetjen e Tabakut dhe Bardhit për Haklaj u shpreh se të gjithë deputetët e PD-së të mbështesin Bejkon.

“Shpresoj që deputetët e PD të kenë mësuar që data 14 maj është moment historik për PD, duhet të vijnë dhe të mbështesin Bejkon.”- tha ai.

Duket se me këtë hap të radhës, Sali Berisha kërkon zhdukjen e logos së Partisë Demorkatike në fletën e votimit. Kjo për arsye se votuesit priren që të identifikojnë logon dhe votat për shkojnë për PD e jo koalicionin e tij me Ilir Metën. Më herët, në vazhdën e këtij qëllimi, ato fshehën nga fleta e votimit emrin e Ilir Metës.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si i vlerësoni mesazhet që dha Rama në takimin me diasporën në Athinë?

Lajme të tjera



×

Lajmi i fundit

Kërkoi zbutje të masës, GJKKO lë në fuqi arrestin me burg për Ramazan Rrajën

Kërkoi zbutje të masës, GJKKO lë në fuqi arrestin me burg për Ramazan Rrajën

13 Maj, 20:58