Pas një sherri banal në orën 20 të mbrëmjes së sotme, në rrugën e Elbasanit, tek pallatet tek gjuhet e huaja në Tiranë, ka mbetur i plagosur 22 vjeçari Enton Deliu i cili është cuar menjëherë në spitalin ushtarak dhe aktualisht është jashtë rrezikut për jetën.

Burime nga policia bënë të ditur për shqiptarja.com se kanë identifikuar autorin e kësaj ngjarjeje dhe kanë filluar kontrollet për arrestimin e tij.

Fillimisht, sic raportojnë burimet, dy djemtë janë zënë me shpulla, ndërkohë që personi i dyshuar si autor, ka nxjerrë thikën dhe ka plagosur Deliun. Policia pret të dhëna të tjera ndërkohë që ka shtuar patrullimet në zonën e rrugës së Elbasanit.