Plagosi inxhinierin e ERE se pati lidhje intime, 'arrest me burg' efektivit! Erjon Goxhara shfaq pendesë, do i bëhet ekspertizë për gjëndjen psiqike (VIDEO)

Tirane- Lihet në fuqi masa e sigurisë 'arrest me burg' për efektivin e policisë Erjon Goxhara cili plagosi inxhinierin e ERE-së, Lorenc Kosta pasi bashkëshortja e tij kishte pasur një flirt me të. 

Ky i fundit në seancë ka shprehur pendesë për veprimin që ka kryer në dëm të shtetasi Lorenc Kosta, ndërsa ka mbajtur të njëjtin qëndrim si para Oficerëve të Policisë Gjyqësore.

Avokatët kërkuan masë më të butë sigurie se arresti në burg me argumentin e tronditjes së rëndë psiqike, ndërsa prokuroria kërkoi masën e sigurisë 'arrest me burg'.

Gjykata pranoi kërkesën e avokatëve për ekspertizë të gjendjes psiqike.

Deri në këto momente, Goxhara po hetohet për vrasje me paramendim e mbetur në tentativë dhe armëmbajtje pa leje. Për këtë të dytën deri në momentin që do të provohet nëse arma e përdorur është e shërbimit ose jo.

Ngjarja u regjistrua më 19 gusht 2024 tek “Komuna e Parisit”

Goxhara u mbrojt nga dy avokatë të cilët kërkuan masë më të butë sigurie, nisur dhe nga gjëndja e rënduar psikologjike në të cilën ndodhet klienti i tyre dhe fëmijët e tij.

Do të verifikohen pamjet e sigurisë, si dhe do i bëhet ekspertizë gëzhojave që janë gjetur në vendin e ngjarjes dhe armës së shërbimit për të parë nëse kanë dalë nga kjo armë. Edhe pse efektivi ka pranuar se e ka qëlluar me armën e shërbimit.

Efektivi u vetëdorëzua 2 ditë pas krimit, pas komunikimeve që ka pasur me familjarët, ndërkohë avokatët kanë bërë me dije se një ndihmesë të madhe për të bindur efektivin të vetëdorëzohej ka dhënë dhe drejtori i policisë së Tiranës,Tonin Vocaj.

"Ai ka komunikuar shumë shpesh me të, bëjnë me dije avokatët. Vocaj e ka ndihmuar shumë pasi efektivi pasi qëlloi inxhinerin e ERE-së, në momentet e para ka dashur të merrte dhe një akt ekstrem ndaj vetes së tij' mëson gazetarja Keti Banushi.