Tirane- Dështon sërish protesta e opozitës para bashkisë së Tiranës. Në protestën e 22-të para bashkisë sot ishin mbledhur edhe më pak protestues për të kërkuar lirimin e Sali Berishës.
Report Tv sjell pamjet me dron të protestës ku militantët mund të numërohen me gishta.
Mblidhen aq pak para bashkisë sa janë koshientë edhe vetë. E pranon dhe Belind Këlliçi kandidati humbës i demokratëve në zgjedhjet e fundit vendore dhe Adriana Kalaja. U kërkojnë të pranishmëve të bërtasin pak më fort për të mbuluar dështimin.
Me mikrofon vijojnë të kërkojnë lirimin e Berishës, në podiumin e ngritur para atyre pak militantëve. Vijojnë të sulmojnë ndërkombëtarët që shërbejnë në vendin tonë, duke i bërë me faj se Sali Berisha është shpallur non grata nga Departamenti Amerikan i Shtetit dhe Mbretëria e Bashkuar.
“Edhe pse ndërkombëtarët nuk thonë të vërtetën, edhe pse një pjesë e tyre janë të kapur dhe të blerë, dhe e gjithë tentativae e tyre në këto vite ka qenë për të shuar PD dhe opozitën, për të shuar opozitën reale”, deklaroi Këlliçi.
Sulmet i vijuan me Prokurorinë e Posaçme antikorrupsion që po e heton ish-kryeministrin për korrupsion lidhur me aferën e Klubit Partizani, aferë për të cilën Berisha është në arrest shtëpie prej 30 dhjetorit 2023, masë që e ka shkelur jo pak herë, duke pritur në banesë madje edhe persona me në hetim apo të dënuar më parë.
Zilitë kanë nisur të shfaqen dukshëm mes Kryetares së Komisionit të Apelimit në Partinë Demokratike, Adriana Kalaja dhe kandidatit humbës të demokratëve në zgjedhjet e fundit vendore, Belind Këlliçi.
Javën e kaluar Belind Këlliçi u kap mat duke vijuar pushimet e tij luksoze në një nga resortet më të shtrenjta në bregdet. Fotot e siguruara nga disa pushues në resortin luksoz, tregojnë Belind Këlliçin bashkë me disa persona të tjerë, të cilët përdorin skaf për të bërë pushimet e tyre më të rehatshme.
E pushimet luksoze nuk i ka kapërdirë Adriana Kalaja e cila gjatë fjalës që mbajti paraditen e sotme në protestë nuk e fshehu zilinë.
"E pa jahtin ku kishte hipur Belindi. Në fakt unë jam pak xheloze se Belindi duhet të na kishte ftuar edhe ne” tha Kalaja.
Pasi hoqi dorë nga mandati i deputetit të Tiranës dhe kandidoi për zgjedhjet vendore përballë Kryebashkiakut Erion Veliaj dhe humbi me diferencën më të thellë në historinë e përballjeve elektorale midis dy kandidatëve, Belind Këlliçi zyrtarisht është ende i papunë dhe është e paqartë se me çfarë të ardhurash jeton apo se me çfarë i paguan pushimet në zona luksoze, me dreka e darka në restorantet e resortit dhe udhëtime me skaf. Ai është parë edhe duke drekuar në restorantet e zonës, të cilat njihen për luksin dhe çmimet e larta, që shpeshherë janë bërë subjekt i diskutimeve në rrjetet sociale.
Nuk dihet nëse në xhiron e radhës, Këlliçi do marrë me vete edhe Kalanë.
Komente
Lajme të tjera
-
Rrëfehet nga spitali shoku i Martin Canit: Mario më gjuajti me thikë 6 herë, donte të më godiste në zemër! Një burrë më ngriti peshë
24 Nëntor, 21:52 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Protesta e opozitës më 26 Nëntor/ PD publikon 5 rrugët dhe pikat që do bllokojë në Tiranë! Ja ndarja e deputeteve
24 Nëntor, 18:48 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Zbardhet vrasja e Eduart Reçit! Hetimet: Polici i komisariatit nr 2 në Tiranë ekzekutoi ndërtuesin, arrestohet dhe i vëllai! Motivi? Konflikte pronësie
24 Nëntor, 15:07
-
Militantë të Berishës protestojnë kundër Ramës në Londër (VIDEO)
24 Nëntor, 12:59 -
'Ata ishin 2 autorë!' Policia do të rimarrë në pyetje babain e shokut të Martinit: Djali tjetër ka pasur thikë më të vogël
24 Nëntor, 12:44 -
Vrasja e 14 vjeçarit, Flutura Açka: U harrua thelbi i familjes po endet drejt spektaklit! Urgjente hapja e shkollës së riedukimit
24 Nëntor, 12:22 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Berisha: Rama mizogen, e tregon edhe në kabinet me gratë
24 Nëntor, 11:00 -
Vrasja e Martinit, nesër Burgjet vendosin ku do transferohet 14 vjeçari i arrestuar
24 Nëntor, 10:58
-
Tiranë/ Organizonin baste dhe lojëra fati, vihen në pranga 6 persona
24 Nëntor, 09:55
O kasolle ku na mlodhe . Opozite me Kericin dhe Kalane ?
Përgjigju