Plagosi me thikë vjehrrin dhe kunatin pas një konflikti të çastit, Gjykata e Vlorës lë në burg 27 vjeçarin (VIDEO)

Gjykata e shkallës së parë në Vlorë ka caktuar masën e sigurisë "arrest me burg" për 27 vjeçarin Rildi Koçja. Katër ditë më parë pas një konflikti të çastit, i riu plagosi me thikë vjehrrin e tij, 62-vjeçarin Xhevdet Braushi dhe kunatin e tij, 30-vjeçarin Albion Braushi.

Mbrëmjen e të dielës, në lagjen “Çole” të Vlorës, 27-vjeçari Rildi Koçja plagosi me thikë të babë e bir, Xhevdet dhe Albion Braushi, 62 dhe 30 vjeç. Mësohet se 27-vjeçari, pas një konflikti me motive të dobëta ka sulmuar me thikë vjehrrin dhe kunatin e tij, duke i plagosur të dy. 

Pas ngjarjes, autori u largua nga vendngjarja, por pas një ore kërkimesh nga policia, u bë i mundur arrestimi i tij. Gjendja e 62 vjeçarit, Xhevdet Braushi paraqitet e stabilizuar ndërsa djali i tij, Albion Braushi u transportua në spitalin e Traumës ku raportohet se ndodhet në gjendje kritike për jetën. 

Banorët e zonës ku ndodhi ngjarja, treguan se Albion Braushi kishte marrë 10 goditje me thikë nga Rildo Koçja. Sipas tyre përplasja fizike kishte ndodhur fillimisht mes agresorit dhe Albion Braushi dhe më pas ishte përfshirë i ati i këtij të fundit i cili gjithashtu mbeti i plagosur nga goditjet me thikë. 

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se Berisha do të pyetet për çështjen Gërdeci?



×

Lajmi i fundit

VIDEO/ Elsi Hysaj luan 70 minuta, Lazio dhe Fiorentina paqe mes dy golave

VIDEO/ Elsi Hysaj luan 70 minuta, Lazio dhe Fiorentina paqe mes dy golave