SHKODËR- Plagosja me tre plumba e Vinçens Piroli është bërë me pistoletë me silenciator. 34-vjeçari i shpallur në kërkim ndërkombëtar nga Mali i Zi mbeti i plagosur në një atentat të dyshimtë në Shkodër. Ngjarja është e mbushur me mister dhe paqartësi dhe gjithçka bëhet edhe më konfuze ku dëshmia e Pirolit dhe ajo e të afërmit të tij që e çoi të plagosur në Spitalin e Lezhës janë kontradiktore. Ndërsa Piroli është shprehur se është qëlluar nga pas shpine teksa po ecte në këmbë, i afërmi i tij ka dëshmuar para bluve të Shkodrës se e kishte çuar 34-vjeçarin të takonte një person te ura e Bahçallekut dhe po e priste në makinë, por ai ishte kthyer i plagosur.
34-vjeçari është qëlluar nga pas shpine teksa po ecet në këmbë, me 3 plumba që e prekën një në shpatull dhe dy në pjesën e brinjëve. I plagosuri, i cili dyshohet se është vrasës me pagesë, pas plagosjes ka marrë në telefon një familjarin e tij, i cili e ka dërguar në spitalin e Lezhës, edhe pse plagosja ka ndodhur në Shkodër. Sipas dëshmisë së parë të 34-vjeçarit për policinë tha se erdhi në Spitalin e Lezhës pasi ndihej më i sigurt.
“Ndihem më i sigurt në spitalin e Lezhës se në Shkodër, prandaj erdha këtu”, u ka thënë ai hetuesve.
Në dëshminë e kushëririt të Pirolit, Mark Nika, i cili e ka transportuar në Spitalin e Lezhës të plagosurin, tha se nuk e di se kush ka qëlluar ndaj tij apo për çfarë arsye. Nika dëshmon para bluve të Shkodrës se pasi e la 34-vjeçarin te ura e Bahçallekut, kishte pritur në makinë, ndërsa Piroli ishte futur në një rrugë dytësore për të takuar personin, por ishte kthyer i plagosur.
I plagosuri është dërguar më pas në Spitalin e Traumës në Tiranë dhe ndodhet jashtë rreziku për jetën. Atij i është komunikuar masa e arrestit me burg në spital me qëllim ekstradimin e tij në Malin e Zi, ku kërkohet si autor i një vrasje. Dyshime të forta janë ngritur se bëhet fjalë për një atentat, kjo pasi 34-vjeçari ishte i shpallur në kërkim ndërkombëtar për një vrasje në Ulqin, ku hakmarrja është pista kryesore e hetimit.
Në mars të 2017 djali i një malazezi i quajtur Momçillo Gjurishiç ka vrarë me armë zjarri shtetasin nga Kosova, Beqë Likaj 53 vjeç. Pas vrasjes së këtij të fundit, në 4 korrik 2021 u ekzekutua Momçillo Gjurishiç dhe autor kryesor është Vincens Piroli së bashku me një tjetër shqiptar. Pikërisht plagosja e tij sonte mendohet të ketë të bëjë me këtë ekzekutim në shenjë hakmarrjeje.
Policia ka shkuar në vendin ku mendohet se ka ndodhur plagosja e 34-vjeçarit në hyrje të Shkodrës, por nuk kanë gjetur në vendin e ngjarjes asnjë provë, asnjë gjurmë gjaku dhe asnjë gëzhojë plumbi. Policia ka sekuestruar kamerat e sigurisë për zbardhjen e plotë të ngjarjes.
Detaje të reja janë zbardhur lidhur me plagosjen e 34-vjeçarit Vinçens Piroli, i cili mendohet se kishte lënë takim me një person, i cili dhe e ka qëlluar 3 herë me pistoletë me silenciator.
Në dëshminë e të afërmit të Pirolit, Mark Nika, i cili e ka transportuar në Spitalin e Lezhës të plagosurin, tha se nuk e di se kush ka qëlluar ndaj tij apo për çfarë arsye. Nika dëshmon para bluve të Shkodrës se pasi e la 34-vjeçarin te ura e Bahçallekut, kishte pritur në makinë, ndërsa Piroli ishte futur në një rrugë dytësore për të takuar personin, por ishte kthyer i plagosur.
“Jemi nisur nga Lezha për në Shkodër, pasi Vinçensi më tha se do të takonte një person. Kemi mbërritur në Shkodër rreth orës 18:30. Në hyrje të urës së Bahçallekut që është edhe hyrja e Shkodrës Vinçensi ka zbritur nga makina dhe është futur në një rrugë dytësore. Aty kishte edhe një xhami. Unë e kam pritur në makinë. Papritur kur erdhi dikush e kishte plagosur. Unë nuk e di as se kush e ka plagosur dhe as arsyen sepse nuk më ka treguar. Pastaj e kam dërguar ashtu të plagosur tek spitali i Lezhës, sepse nuk donte ta çoja në Shkodër, për shkak se kishte frikë se mund t’i ndodhte ndonjë gjë. E kam çuar në spitalin e Lezhës dhe e kam lënë aty. Nuk e kam idenë se kë ka takuar dhe se kush e ka plagosur”, dëshmoi i afërmi i tij.
Policia e Shkodrës ka shkuar në vendin ku mendohet se ka ndodhur plagosja e 34-vjeçarit Vinçens Piroli mbrëmjen e djeshme sipas dëshmisë së tij. Por blutë nuk kanë gjetur në vendin e ngjarjes asnjë provë, asnjë gjurmë gjaku dhe asnjë gëzhojë plumbi. Policia ka sekuestruar kamerat e sigurisë për zbardhjen e plotë të ngjarjes dhe nëse Piroli ka thënë të vërtetën se ku është qëlluar me 3 plumba pas shpine.
Policia ka arrestuar 34-vjeçarin Vinçens Piroli i cili u plagos mbrëmjen e 3 janarit në Shkodër me pistoletë me silenciator. Piroli u dërguar për mjekim në Spitalin e Traumës në Tiranë, ku dhe iu komunikua masa e arrestit me qëllim ekstradimin e tij në Malin e Zi, ku kërkohet nga autoritete malazeze si vrasës me pagesë.
34-vjeçari dyshohet se është autor për vrasjen e Momçillo Gjurishiç, ngjarje e ndodhur me 4 korrik të vitit 2021 në Ulqin.
Lajme të tjera
-
Hajduti nga Skrapari vjedh banesën në Shkodër, mori para e bizhuteri
18 Prill, 12:03 -
Vau i Dejës, kultivuan kanabis, AMP vë në pranga babë e bir, 70-vjeçari ishte kryeplaku i fshatit Pepsumaj (EMRAT)
18 Prill, 09:48 -
Përfundon argjinatura në Juban të Shkodrës, Rama: Shmang rrezikun e përmbytjeve në Kuç e Vukatanë
17 Prill, 15:25 -
VIDEO/ Do shiste 2 mijë fara kanabisi, kapet ‘mat’ 47-vjeçari në Vaun e Dejës
17 Prill, 09:21 -
Shkodër, zjarri shkrumbon 52 vjeçarin brenda në banesën e tij në Zogaj! Drejtori i Zjarrfikëses: Ndërhyrja e vështirë! Flakët ndoshta nga një cigare
16 Prill, 19:49 -
Shkodër, goditet një rast i peshkimit të paligjshëm, hetohen 2 persona, njëri nga Mali i Zi
16 Prill, 13:42 -
Shkodër, ishte larguar nga shtëpia disa ditë më parë, gjendet trupi i pajetë i 49-vjeçarit në ujërat e Bunës
16 Prill, 13:09 -
Shkodër, u kap me kanabis me vete, arrestohet 32-vjeçari
15 Prill, 09:34 -
Varkat turistike realitet në Liqenin e Shkodrës, fillon lundrimi! Benet Beci: Një mundësi për vizitorët për të shijuar ‘magjinë’ e këtij vendi
14 Prill, 15:54 -
Shkodër/ U kapën me kokainë në Shirokë, arrestohen dy 22-vjeçarë! Njëri prej tyre kishte municion luftarak në shtëpi
14 Prill, 12:36 -
Shkodër, zjarri shkrumbon 52 vjeçarin brenda në banesën e tij në Zogaj, shpëton gruaja e fëmijët! Dëshmitari: Zjarrfikësja erdhi me vonesë (EMRI+VIDEO)
14 Prill, 08:31 -
Ambasadori i BE nga Shkodra: Luftoni korrupsionin, të vijojë reforma në drejtësi! Presion Dumanit nga politika? Gonzato: S'duket i shqetësuar për këtë
13 Prill, 10:48
