Zelanda e Re të enjten tha se do t’ua ndalojë përjetësisht të gjithë të rinjve që të blejnë duhan, që paraqet një prej qasjeve më të ashpra në botë që ka për qëllim frenimin e vdekjeve nga duhanpirja. Pjesa më e madhe e planit të Qeverisë së Zelandës së Re fokusohet në ndryshimin e situatës me përdorimin e duhanit në mesin e popullatës indigjene, Maori.
Zelanda e Re është një prej 17 shteteve ku paketimi i thjeshtë i cigareve është i domosdoshëm. Ky shtet, po ashtu, e ndalon shitjen e cigareve për çdo person nën moshën 18-vjeçare. Por, autoritetet thanë se këto masa janë të pamjaftueshme për të arritur synimin që deri më 2025, përqindja e duhanpirësve të jetë nën 5 për qind.
Ndalesa e përjetshme
Zelanda e Re planifikon që nga viti 2027 ta bëjë të jashtëligjshme shitjen e cigareve për çdo person në moshën 14-vjeçare apo edhe më të rinj. Kjo ndalesë do të jetë në fuqi përjetësisht.
Kjo i bie që një person që do të jetë 60 vjeç në vitin 2073 nuk do të mund të blejë cigare, por një person 61 vjeç do të mund ta bëjë një gjë të tillë.
Pse nga mosha 14 vjeç e më poshtë?
Autoritetet shëndetësore në Zelandën e Re thanë se duhanxhinjtë zakonisht nisin të konsumojnë duhan gjatë rinisë, me katër prej pesë banorëve në Zelandën e Re nisin të tymosin duhan në moshën 18 vjeçe dhe 96 për qind deri në moshën 25 vjeçe.
Autoritetet thanë se me ndalimin e një gjenerate nga duhanpirja, shpresojnë se do të parandalojnë rreth 5,000 vdekje gjatë vitit.
Çfarë ndryshime të tjera janë planifikuar?
Sipas legjislacionit të prezantuar, që Qeveria planifikon që ta bëjë ligj në fund të vitit të ardhshëm, fillimisht do të kufizohet numri i dyqaneve që do të mund të shesin cigare nga viti 2024.
Më pas, nga viti 2025 planifikohet që të ulet niveli i nikotinës – përbërësi që shkakton varësi – në cigare, në mënyrë që duhanpirësit ta kenë më të lehtë ta lënë duhanin. Dhe në fund, Qeveria planifikon që në vitin 2027 të ketë gjeneratën e parë pa duhan.
Si do të zbatohen këto masa?
Autoritetet në Zelandë të Re nuk kanë treguar se si do ta zbatojnë këtë plan. Po ashtu, nuk kanë treguar se cilat biznese do të ndalohen që të shesin produkte të duhanit.
Detaje të reja pritet të bëhen publike kur ligji të shkojë në Parlament vitin e ardhshëm.
A do të bëhet Zelanda e Re shteti me ligjet më të ashpra kundër duhanit?
Përgjigjja në këtë pyetje është jo. Republika e Butanit që nga viti 2010 ka ndaluar shitjen e cigareve (edhe pse ndalesa u hoq përkohësisht më 2020 me qëllim që të ndaloheshin importet nga India në tregun e zi, pas mbylljes së kufijve për shkak të pandemisë COVID-19)./ REL
Lajme të tjera
-
Nga mospërdorimi i kremrave kundër diellit te pirja e duhanit, ja 8 zakone që na bëjnë të plakemi më shpejt
19 Qershor, 15:26 -
Anglia drejt ndalimit të duhanit: Kush ka lindur pas 1 janarit të vitit 2009 nuk mund të blejë cigare
17 Prill, 22:38 -
DRAFTI/ Kush u shet cigare të miturve burg deri 8 vite! Dënohen me 16 vite nëse shitja e paligjshme sjell vdekje
10 Prill, 20:50
-
Vëzhgimi i Report Tv, duhani i grirë shitet pa pullë në rrugët e Tiranës! Konsumohet nga rreth 30%, dëm shtetit deri në 80 mln euro
9 Mars, 13:27
-
U akuzua për vjedhje nëpër dyqanet e veshjeve, Deputetja e Zelandës së Re jep dorëheqjen
18 Janar, 12:46 -
Ish-kryeministrja e Zelandës së Re martohet me partnerin e saj pas 10 vitesh lidhje
13 Janar, 20:47 -
Vëzhgimi/ Ligji anti duhan nuk respektohet në shumë lokale! IShSh vendosi vetëm 53 gjoba nga Janari në Tetor! Shuperka: Nuk tregojnë asgjë gjë
21 Nëntor 2023, 19:05
-
Cilat janë 10 vendet më të mira për të jetuar në 2023?
13 Tetor 2023, 08:33 -
Ushqimet që mund t’ju ndihmojnë ta lini duhanin
13 Tetor 2023, 08:10 -
Tronditet Botërori i femrave në futboll! FIFA heton për ngacmime seksuale ndaj futbollisteve, një trajner Don Zhuan
4 Gusht 2023, 12:03 -
Sulm me armë në Zelandën e Re! Dy të vdekur dhe gjashtë të plagosur pak para nisjes së ceremonisë hapëse të Kupës së Botës për femra
20 Korrik 2023, 09:39 -
Si ta lësh duhanin?
17 Korrik 2023, 08:53
